【家事常識/外賣/微塑膠】香港人生活節奏快，返工返到骨，經常靠Keeta、Foodpanda叫外賣救急。但你有冇諗過，每日食外賣用嘅膠碗、發泡膠碗、膠袋同日式料理常用嘅美耐皿，原來都隱藏毒性風險？耐熱標示只係「唔易變形」，唔代表唔會釋出微塑膠！本文逐一拆解4款常見外賣器皿毒性同安全度，教你點樣避開「食膠」陷阱，保護自己同家人健康。入內文一齊睇清楚啦！
塑膠外賣容器邊款最毒？
所有塑膠材質或多或少都會釋出微塑膠，尤其遇高溫、油脂或酸性食物時釋出量會增加。微塑膠進入人體後，可能吸附重金屬或污染物，影響全身器官。耐高溫 ≠ 不釋放微塑膠，溫度越高，釋出越多！
01 塑膠碗（PP #5）→相對較安全選擇
- 常見於：外賣火鍋附送、Party聚會、BBQ經常使用
- 耐熱：100°C ~ 140°C
- 耐酸鹼/耐油/耐酒精：✔ 全合格
- 優點：在一船食品處理溫度下較安全，是4款入面相對穩陣嘅選擇。
但即使係PP，長時間高溫或重複使用都可能釋出微塑膠，建議食完盡快轉盤。
02 發泡膠碗（發泡膠 / PS #6）→最唔建議用
- 常見於：杯麵、外賣、魚生外賣底盤
- 耐熱：僅70°C ~ 90°C
- 耐酸/耐油/耐酒精：✘ 全唔合格
發泡膠遇高溫或油脂容易溶出有害物質，風險最高。香港已逐步限制使用，大部分餐廳已停止使用，不過市民亦有機會使用到，強烈建議避免盛裝熱食或油膩食物。
03 塑膠袋（HDPE #2 / LDPE #4）→ 高溫易釋添加劑
- 常見於：小食店、外賣器皿包裝
- 耐熱：HDPE 90-110°C / LDPE 70-90°C
- 優點：耐酸耐油，但製造過程添加劑（抗氧化劑、穩定劑）高溫下容易釋出化學物質。
用膠袋裝湯（泰國流行）、酸性醬汁、或是用來包裝一些熱度甚高的食物外賣，雖然影響間接一點，但一樣有釋出添劑風險，留意不要用膠袋盛戴過熱的外賣。
04 美耐皿碗（#7 OTHER）→ 高溫溶出甲醛三聚氰胺
- 常見於：各式餐廳、日式料理外賣
- 耐熱：110°C ~ 130°C
- 耐酸/耐油/耐酒精：✔ 但品質差或破損就危險
一些平價日本料理，或是部分日式外賣店會使用，產品若品質不良或遇高溫、破損，可能溶出三聚氰胺、甲醛或重金屬。雖然耐熱，但唔係萬能，建議小心使用。
塑膠容器耐熱 ≠ 安全
塑膠容器只要浸泡熱水或盛裝熱食、油膩食物幾分鐘，普通塑膠容器就可能釋放至少10億顆微塑膠，溫度越高、接觸時間越長，釋出量就越多！
微塑膠本身毒性來自吸附環境中嘅重金屬同有機污染物，令毒性大幅增加。被人體吸收後，微塑膠會隨血液分布到全身各個器官，包括肝臟、腎臟、腸道甚至大腦，長期累積可能引致炎症同其他健康問題。一般情況會經尿液排出，不用過份擔心！
結論：安全做法係換碟
- 回家後立即將食物轉到陶瓷、不鏽鋼或玻璃容器
- 避免長時間盛裝滾燙或酸性食物。
日常小貼士：
- 優先選擇PP #5材質外賣
- 唔好直接微波外賣盒
- 多用自家耐熱玻璃或陶瓷餐具
- 減少不必要外賣，慳錢又健康
【延伸閱讀】
致癌習慣｜樽裝水致大腸癌？腸胃科醫生警告：長期飲癌細胞微粒多3.4倍 三種飲品勿放膠樽
致癌習慣｜酒精搓手液原來有毒！英研指長期用恐致癌 但暫無代替品？肝病病人用會加重病情？