【家事常識/食安/雞蛋安全貼士/食物貯放】雞蛋買返屋企後，到底要唔要放雪櫃，關鍵唔只係睇習慣，仲要睇溫度同雞蛋種類。台灣蛋行協興蛋業就分享雞蛋貯存秘訣：當環境溫度超過25°C，雞蛋保鮮度就會明顯下降，甚至會加快細菌繁殖，使唔使放入雪櫃因為環境而決定。
溫度決定要唔要放雪櫃！
- 超過25°C ✅：雞蛋最怕高溫同溫差大。協興蛋業指出，如果環境溫度高過25°C，雞蛋就應該放入雪櫃冷藏，否則蛋黃容易散掉，細菌亦會更快滋生。
- 低過 25°C ❎：相反，如果天氣涼爽、放喺陰涼通風位置，環境穩定，而且係短時間保存就可以不放雪櫃。
雞蛋種類決定要唔要放雪櫃？
- 洗選蛋（即日本蛋或超市買到，表面光滑清潔一類）✅
通常經過清洗、消毒同包裝，蛋殼表面嘅天然保護膜已經減少，所以比較建議直接放入雪櫃保存。呢類蛋買返屋企後，最好一路冷藏，唔好長時間擺喺室溫。
- 散裝蛋 ❎
即係街市常見、未經清洗嘅雞蛋，表面通常仲保留天然保護膜，所以喺陰涼環境下可以短暫常溫保存。
✅ 如果天氣熱（超過25°C）、屋企無冷氣，或者擺放位置靠近廚房熱源，就應該盡快放入雪櫃。
蛋行教一招延長新鮮度
協興蛋業分享雞蛋放入雪櫃時，較尖向下、較圓向上擺放。
- 原因是雞蛋較大的一端有氣室，朝上放能讓雞蛋呼吸更順暢，可以幫助蛋黃保持喺比較穩定嘅位置，減低變形同散掉嘅機會。
- 另外，最好保留原本包裝盒，因為可以減少雞蛋吸收雪櫃內其他食物氣味。
其他安全貯存雞蛋貼士
- 購買雞蛋後，回家期間勿把雞蛋放在沒有冷氣的車廂或尾箱。
- 雞蛋若放室溫，要放陰涼乾爽的地方。
- 雞蛋買回家，尤其是散裝蛋，不要用水洗，因為會把天然保護膜洗掉令細菌進入。
- 散裝蛋買回家的正確清潔法是用乾布或紙巾擦拭，再貯放在室溫。
- 散裝蛋放入雪櫃前，須用乾布或紙巾擦拭，以防與雪櫃內的食物交叉感染。
- 冷藏蛋拎出嚟後，唔好反覆放返入雪櫃同拎出嚟，溫差變化會令雞蛋易壞
- 雞蛋不應放雪櫃門蛋格，應放雪櫃內層，因為門經常打開，溫度變化有機會易變壞。
- 如果蛋殼有裂痕、污漬明顯或有異味，就最好把該裂開的雞蛋丟棄。
- 鮮雞蛋食用期一般為2周（室溫）、3-5周（冷藏），唔好因為放入雪櫃就以為可以無限期保存。
【延伸閱讀】
家事常識｜碗邊打蛋原來超錯！令沙門氏菌風險暴增 毒物專家教正確打蛋方法
家事常識｜雞蛋買回家千萬別立刻放雪櫃！小心細菌污染全冰箱 專家教雞蛋買回家正確保存法
民間偏方 | 撞瘀碌雞蛋消腫？柿子螃蟹不能同吃？拆解4大民間健康偏方恐感染加重病情