【家事常識/護髮/白髮】梳打粉（小蘇打）係廚房萬能神器，原來仲可以幫白髮去黃提亮？感覺年輕一點。國際知名毛髮專家Penny James認證有清潔效果，但強鹼性易損髮質！醫生教你用梳打粉護白髮的3大安全守則，教你低成本居家護白髮，天然又安全。
小蘇打真係可以提亮白髮去黃？
- 隨著年紀增長，白髮愈來愈多，容易泛黃枯燥，感覺更老氣。網上流傳用梳打粉（小蘇打）洗頭可以去黃提亮、去枯黃，到底係偏方定真有效？
- 國際知名美國專業毛髮學家 Penny James 指出，小蘇打的顆粒質地確實能去除頭髮上的礦物質與殘留物，讓因堆積而泛黃的白髮看起來較明亮、更有光澤。
- 不過，千萬唔好亂用！小蘇打屬強鹼（pH值約9），而頭皮自然偏弱酸性（pH 5.5），頭髮更係3.5-5.5之間。強鹼會令毛鱗片張開，導致水分流失，白髮本來就脆弱乾燥，用錯隨時更易斷裂。
毛髮專家教梳打粉護白髮3大安全守則
想安全試用梳打粉護髮？專家強烈建議遵守以下守則，避免損害頭髮：
1. 控制頻率
最多一個月使用一次。過度使用會令頭髮極度乾燥易斷。Penny James 強調，低頻率先係安全關鍵。
2. 用蘋果醋中和
洗完梳打粉後，務必用稀釋蘋果醋沖洗頭髮。中和鹼性，幫助頭皮同髮絲恢復正常酸鹼值。
3. 深層保濕
療程後立即用深層修護髮膜或頭皮保濕產品，補回流失水分。皮膚科醫生亦建議，完成後多保濕，避免頭皮乾燥。
專家教梳打粉護白髮步驟
- 先用日常洗頭水洗頭。
- 將梳打粉加少少水調成糊狀，輕輕按摩頭髮（避開頭皮過度摩擦）。
- 停留幾分鐘後徹底沖洗，再用蘋果醋中和 + 深層護髮。
注意：若頭皮敏感、有傷口，或對梳打粉有疑慮，最好先咨詢皮膚科醫生。皮膚科醫生 James Kilgour 建議，穩陣方法係選擇含類似清潔成分的矯色洗髮精，配搭保濕護髮素。
【延伸閱讀】
家事常識｜梳打粉10大隱藏用法：防腳臭護胃通渠 除臭去油漬洗衣都得！即學正確方法
家事常識｜萬能梳打粉可美白牙齒？牙醫教正確步驟，附4大超平天然美白方法