激平$71位😍歎西班牙無激素豬肉片｜銅鑼灣新店🥘馬祖台式半火鍋放題🥩

任食火鍋近年越做越平，由$2xx跌到$1xx位都有，但原來未算低。最近銅鑼灣有台式火鍋店新開張，9月8-17日做緊買一送一優惠，其中「90分鐘全日定量」火鍋放題，最平只係HK$138兩位，加一服務費後平均HK$76位，仲要台式飲品任飲，大癲！

$76位食西班牙無激素豬肉片｜銅鑼灣馬祖

今次優惠原於銅鑼灣新舖開張，所以喺9月8-17日都可以享有買一送一著數，優惠包括「90分鐘全日定量火鍋」套餐及「全日120分鐘放題」套餐。前者全Menu一共有8款，包括西班牙無激素豬肉片套餐、牛肩胛肉套餐，以至最靚嘅美國Prime Grade極上霜降小排套餐。「定量火鍋」嘅意思係牛肉、豬肉係定量，每位都有兩碟，而喺配料區嘅配菜可以任食。不過最激嘅係平日廿幾三十蚊杯嘅台式飲品，呢度套餐包任飲。至於120分鐘火鍋放題，一共有5款套餐，以最平嘅西班牙無激素豬肉片放題套餐計算，套餐HK$226有買一送一優惠，加一服務費後，平均每位HK$124.5就可以連肉類都任食，好平呀！