矜貴燉人參雞湯🐔任食😍｜自助餐買一送一🔥紅磡嘉里酒店

今次嘅自助餐類型可以話係非常罕有，一般都係國際海鮮、或者啖啖肉嘅英美西班牙菜，而今次係正宗嘅韓國菜。位於紅磡嘅香港嘉里酒店有全新嘅韓日饗宴巡禮自助晚餐，可以任食非常矜貴嘅燉人參雞湯、烤韓牛、韓式五花腩、秘製韓式牛肉飯卷等，加上買一送一優惠，隨時抵過去韓國街食。

買一送一｜韓日饗宴巡禮自助晚餐@香港嘉里酒店

開賣連結：https://www.kkday.com/zh-hk/product/121558?cid=17252

今次香港嘉里酒店推出嘅韓國菜自助餐，絕對有別於其他酒店，因為嘉里酒店專誠邀請米芝蓮指南推薦餐廳「Kelly's Cape Bop」創辦人暨韓籍主廚Una Yoo，親自將25款正宗韓式料理帶入自助餐，當中不乏平時貴到唔捨得叫「大Size」嘅菜式，包括燉人參雞湯、烤韓牛、韓式五花腩及無限暢飲指定韓國米酒。

當然，除咗韓國料理，一般熱門嘅日式料理都有，例如冰鎮海鮮、麵包蟹、青口、大蝦、龍蝦（星期五至日及公眾假期供應）及蒲燒鰻魚等都有。自助晚餐喺買一送一優惠下，以最平嘅平日入座計算，人均消費HK$443位，食兩、三碗人蔘雞就回本。