新世界發展（0017)位於尖沙咀最新項目「瑧玥」，繼日前完成上載樓書，今日再公佈開放示範單位參觀。示範單位以18樓B室為藍本，實用面積266平方尺嘅1房單位。發展商表示，本星期計劃上載首張價單，而定價將參考同區嘅九龍站項目。
今次呢個新盤「瑧玥」位於尖沙咀官涌街56號，位置其實處於佐敦至柯士甸站之間，旁邊就係廣東道。瑧玥全盤提供64伙，包括62伙標準戶型及2伙連平台嘅特色戶。而標準單位全屬開放式及一房單位，前者實用面積介乎201至213平方尺，後者1房戶型實用面積由255至266平方尺。
不過要數到面積最細嘅單位，就係位於3樓A室嘅特色戶，實用面積只有171平方尺，外接57平方尺嘅平台，單位屬開放式間隔，全盤提供嘅都係蚊型單位。
延伸閱讀
拍賣盤｜屯門帝御．嵐天😱跌價近3成｜346尺1房單位💰但銀行估價竟然…