深圳人氣美食｜鹽田人龍腸粉檔德米腸粉 ¥20+一份大堆頭海鮮腸粉配爆汁生蠔/火箭魷魚凌晨仲要排!

【深圳美食/鹽田區/深圳街頭小食/深圳人龍店/港人北上/大梅沙/小梅沙/蓮塘口岸/深圳地鐡8號線】唔少人港人北上深圳都係為咗飲飲食食，鹽田區有一家湛江腸粉小店，據講星期五六，甚至到凌晨3時都要排隊，人龍中唔只遊客、有一半是深圳人，人氣爆燈，是因為這裏賣其他地方搵唔到的海鮮腸粉，外賣盒裏只見海鮮不見腸粉，大堆頭海鮮極吸引，才賣¥25元左右，食嘅卻是碼頭直送的海鮮，認真抵到爛。由蓮塘口岸站出發坐深圳地鐡8號線，30分鐘直達，過來大梅沙行下順手吃這款超奢華街頭小食也好方便。

德米腸粉為何咁受歡迎？

🔴 這家德米腸粉是鹽田區的知名街頭小食店，開業20年，最初在鹽田墟擺攤，後來搬到現址，幫襯的有一半以上是深圳人，到近幾年在小紅書上爆紅才多了遊客。
🟠 舖頭24小時營業，就算到凌晨時份也有深圳人排隊等食。

🟡 主打湛江風味腸粉，腸粉漿每天用米現磨，即叫即蒸，3分鐘製成彈牙透薄的皺皮湛江式腸粉皮。米漿流量大，所以不斷磨製，做成腸粉皮特別有米味。所有腸粉即叫即蒸，
🟢 還有老闆20年配方秘製腸粉醬油，據講用了芝麻及花生底油炒製，甜多於鹹，為海鮮與腸粉提鮮卻不搶風頭。

🔵海鮮配料當然最耍家，好像大大隻的生蠔、原條火箭魷魚、巨型海蝦、瑤柱，件頭十足。日日由鹽田海鮮街直送，批發價入手，令一盒海鮮腸粉賣價才¥25元左右，都叫性價比高。
🟣亦可跟配雞蛋、叉燒、牛肉等平價配搭。

德米腸粉排隊攻略

【高峰期】🕗 8:00–9:30am ｜ 🕛 12:00–3:00pm ｜ 🕕 6:00–9:00pm ｜ 🕚 11:00pm–1:00am
【人流較少時段】 🕙 10:00–11:30am ｜ 🕓 4:00–5:00pm
【貼士】預計排隊時間約30-60分鐘。
【貼士】建議掃碼點單或外賣，等候時間可縮短一半以上。

德米腸粉必吃美食

1️⃣ 爆汁生蠔腸粉 ¥26 🦪｜鮮蠔蒸到啱啱熟，一咬爆汁，蠔味超濃。
2️⃣ 金燦瑤柱腸粉 ¥24｜鋪滿瑤柱，比腸粉皮還厚。
3️⃣ 鮮蝦魷魚雙拼 ¥28 🍤｜原隻火箭魷魚 + 鮮蝦，超足料。
4️⃣ 蒜蓉蒸生蠔 ¥18／隻｜蒜香蠔汁不要浪費。
5️⃣ 蝦餅 ¥12／片｜巴掌大，外脆內彈牙。