九龍灣係九龍區嘅中心地帶，發展多年，一講到呢度嘅地標，德福商場一定係最多人認識。德福花園一共21座住宅物業，配合基座嘅德福商場，衣、食、住、行、玩樂樣樣齊。今年，德福商場連繫市民生活踏入45周年，將會有一連串活動同市民一齊回味咁多年喺度嘅開心經歷。
喺德福商場將會舉辦一個45年專題展覽，記載住好多民生往事，例如走入時光列車，回顧到1979年9月30號，香港鐵路嘅通車儀式，回憶返第一班列車由石硤尾站開往觀塘站，衝破綵帶一刻，揭開香港鐵路發展史嘅第一頁。最值得推介大家體驗嘅，更加係展覽入面有個AI系統，只要喺鏡頭前影一張相，就可以將你嘅容貌結合以前嘅畫面，好似置身於德福商場嘅歷史當中。
港鐵公司物業及國際業務總監鄧智輝先生分享德福商場喺九龍灣嘅重要地位，因為商場唔單只惠及德福花園嘅市民，商場周邊多達7條行人天橋，暢通連繫九龍灣嘅其他小區，完美地照顧乘客、顧客、居民以至商戶。想體驗昔日嘅德福商場，就唔好錯過今次嘅展覽。
《下一站・德福》展覽
日期：8月22日起至10月19日
地點：港鐵九龍灣站、德福廣場一期地下中庭及二期三樓中庭
詳情：https://www.telford-plaza.com/tch/events/tp45a2025