【香港好去處/麻雀大賽/香港麻雀公開賽2026】自問打麻雀章法高超，有「麻雀大俠」般嘅水平？而家有機會喺高手雲集嘅正式賽場上一展身手！由香港麻雀協會主辦嘅「香港麻雀公開賽2026」現正接受報名，設有香港麻雀大師賽、港式台牌公開賽及立直麻雀公開賽3大項目，決賽更會現場直播，人品好、牌品好、章法高嘅，等你挑戰「麻雀大師」至高榮譽！
香港麻雀公開賽2026三大賽事
- 「香港麻雀公開賽2026」（Hong Kong Mahjong Open 2026）將於2026年7月至8月舉行，設有三個獨立競賽項目，歡迎本地及海外選手參加。
- 主辦方表示賽事以高水平競技、專業統計、公平公正，並由HKMA專業裁判團執法，決賽將進行現場直播，完整記錄每一局賽事，確保比賽公正透明。
香港麻雀大師賽
競逐年度最高榮譽「香港麻雀大師」稱號。
- 初賽日期：2026年8月7日（五）至8月15日（日）
- 決賽日期：2026年8月16日（日）（直播）
港式台牌公開賽
傳承港式台牌文化，提供公開競技平台。
- 初賽日期：2026年7月31日（五）至8月1日（日）
- 決賽日期：2026年8月9日（日）（直播）
香港立直麻雀公開賽
採用立直競技規則，國際麻雀交流平台。
- 初賽日期：2026年7月26日（六）
- 決賽日期：2026年8月2日（日）（直播）
比賽地點及報名資訊
港式台牌玩法簡介
港式台牌又稱港式十六張麻雀，係糅合香港麻雀、台灣麻雀、日本麻雀及國標麻雀嘅變體規則。使用144隻牌（連同「春夏秋冬」、「梅蘭菊竹」八隻花牌），以「無限番」及多變牌型為特色，同傳統十三張清章麻雀形成對比，變化更多。港式台牌設有「叮」（聽牌）及「拉」等獨特規則，競技性同娛樂性兼備。
立直麻雀玩法簡介
立直麻雀係國際賽事中最常使用嘅兩大麻雀規則之一。玩家必須喺「門前清」（冇吃、碰、明杠）嘅狀態下聽牌，宣告「立直」後要支付1000點點棒，之後不能更改手牌，摸到乜牌就打乜牌，只允許暗杠或和牌。立直後和牌可獲額外一番，並有機會獲得「一發」及「裡寶牌」獎勵，考驗玩家策略與膽識。
【延伸閱讀】
香港好去處｜法定古蹟景賢里免費導賞團2025 4大參觀亮點/最新日期/網上預約攻略