請1日假去旅行︱猛男生日派對 孖住着泰國大學生校服十足青春校園劇

請1日假去旅行︱猛男生日派對 孖住着泰國大學生校服十足青春校園劇

TVB旅遊資訊節目《請1日假去旅行》,本周四、五晚上播出的是「曼谷篇」,由《香港小姐再競選》分別獲得冠軍及亞軍的何沛珈(Roxanne)及李芷晴(Stephanie)擔任主持。

昨(16日)晚一集,Roxanne、Stephanie一到埗曼谷,即時除口罩、剝大褸實行大解放!是集呈現的行程相當豐富,其中一站是到猛男餐廳食好嘢,當日正日生日的Stephanie獲Roxanne和製作組送上驚喜,Stephanie被一堆猛男「圍攻」跳舞,兩位靚女更被猛男捉手仔摸胸肌,Roxanne笑言:「佢哋好濕,因為啲汗,搞到我隻手都濕埋!」

不喜歡太刺激,節目也有悠閒推介。穿上泰國大學校服的Roxanne和Stephanie去到當地著名學府朱拉隆功大學打卡,再排隊幫襯米芝蓮推介的海鮮媽媽麵。Stephanie笑言:「原來泰國嘅大學生要着校服,感覺好得意、好青春,之後再拍一啲Mood Shot,好似拍緊青春校園劇!」Roxanne則指:「好多年冇着過校服,好有重拾青春嘅感覺,之後同芷晴喺校園走嚟走去,就諗起中學時期我都有個好好嘅閨密,去到邊都好似孖公仔一齊。」

兩人另外還到了一間森林Café打卡,該Café最大特色是可以撐船仔泛舟河上,相當過癮;雖然鏡頭前畫面看似唯美,但其實有苦自己知,Stephanie受訪時笑言:「一開頭以為可以好優雅咁撐船仔傾吓偈,點知我哋撐到身水身汗嗌晒救命,都幾難忘!」是集最後一個推介行程是到飛機市集行街,兩位靚女一邊睇一邊着上身試穿,十足迷你花生騷;之後再去到由舊飛機改造而成的餐廳食Fine Dining,價錢只需2,000泰銖起,即約446港元,性價比相當高。

木棉花開喇!黃大仙有鐵絲網用木棉砌出超靚大紅心 街坊勁讚好暖心!

春天來到,大家除了搶Fo尋櫻花打卡外,香港另一種橙紅色的木棉花,悄悄也到了盛放季節!木棉花花期同樣短暫,但每年開出橙紅色大大朵花朵,在街道上點綴尤其搶眼。

近日,有網民在Facebook群組「黃大仙區友」上分享,發現鑽石山真鐸學校的巴士站旁,驚見有市民在鐵絲網用木棉花砌出兩個大紅心,超有心思,更有網民笑指可能很快變成獨特的打卡位!有網民亦盛讚用已凋落的木棉砌出紅心,增添了一些暖意,也不用攤在地面上妨礙到其他人,做法好溫馨暖心,因為木棉花的花語,正是珍愛身邊的人。

不過,翌日發帖人再次經過該地時,指發現掛在鐵絲網上的兩個大紅心已被清拆了,相當可惜,唯有睇相留念一下吧。

資料及圖片來源︰Facebook群組「黃大仙區友」

黃大仙巴士站有鐵絲網用木棉砌出超靚大紅心超有愛!

 相關推薦

熱門搜尋