由蔡思貝主持的旅遊節目《貝遊歐洲》，本周播出最後三集。昨晚（12日）播出的第八集，思貝多次在節目中多番流露恨嫁的心，思貝遊歷阿爾卑斯山景點時，便公然尋找新郎：「有冇人同我結婚呀？係就飛過嚟意大利搵我啦！」、「未來嘅新郎，如果你想向我求婚，搞婚禮地方想畀個驚喜我，記住睇《貝遊歐洲》！」
「跑步強人」思貝去到意大利阿爾卑斯山的科莫湖更興緻大發暢玩水上運動；換上貼身潛水衣的思貝，大晒長腿、弗爆身型及水上英姿；有運動底的思貝滑兩滑便上手，並大膽地放開手繩自由地在水上滑行。談到滑水感受，思貝笑言要趁早：「一定要有太陽嘅時候落水，否則好似我依家咁凍到收唔到科。」
面對超靚海灘，思貝又自爆很想試裸泳：「成日好想試吓咩都唔著去游一次水。」對於是次花了20多日時間、暢遊歐洲9個城市，思貝坦言開心，並認為真正的旅遊是要靠親身體驗：「同當地人交流，甚至乎呼吸每個地方嘅氣味，呢啲先可以深印喺腦海，只有切切實實經歷過先可以記一世。」
