日本北海道都睇到極光？據日媒報道，12月1日，北海道北部地區名寄市的夜空出現淡紅色的「低緯度極光」，而北海道其他地區如十勝的陸別町、美幌町等都觀賞到斯奇景，網上一下子湧現大量淡紅色極光奇景靚相，準備去北海道的各位，未知能否幸運再遇上極光！
綜合日媒報道，極光是太陽表面發生爆炸現象的「閃焰」所噴發帶電粒子，與地球上的空氣分子碰撞，產生發光現象，只要發生大規模的「閃焰」，像北海道這種低緯度地區都可能出現極光，稱為「低緯度極光」。「低緯度極光」呈淡紅色，與南北極圈常出現的藍色和綠色極光不同。
事實上，太陽「閃焰」早於2023年11月29日出現過，當時名寄市立天文台持續觀測至12月1日約晚上10點，才確認北方天空出現淡紅色的極光，這是繼2015年後、相隔八年名寄市再次觀測到極光。因太陽活動將活躍到2025年，未來仍有可能在北海道觀測到極光。
除了名寄市，今次北海道多個地方都睇到「低緯度極光」，當中十勝陸別町也曾在今年2月、4月及11月3度被觀測到出現「低緯度極光」，當中12月1日當晚，則是該地區二十年來，首次以肉眼睇到的極光！
圖片來源：網上圖片
