有「日本旅遊達人」之稱的杜如風（Helen），再度為J2主持王牌旅遊節目《解風大阪》。
周一晚（11日）杜如風（Helen）繼續發掘關西大阪食玩買新事物，首站到天保山玩摩天輪，特色是號稱「世界最大級別」。摩天輪內可眺望整個大阪市，天氣好的話更望到神戶市。接住來到摩天輪下面的復古街，Helen忽然「咦」了一聲後話︰「有條女仲靚呀，唐詩詠你喺度做乜嘢？」被「野生捕獲」的唐詩詠笑晒口交戲話︰「我嚟旅遊㗎……」鬼馬的Helen明知故問︰「你嚟旅遊都戴住個咪嘅？」被迫到繩角的唐詩詠，即時發揮視后級演技及急才，神回應話︰「一個專業演員係長期戴住個咪……」
唐詩詠此行是專誠探老友Helen班，想不到被拉伕擔任嘉賓上鏡。唐詩詠拍住Helen玩齊復古街的遊戲撈波波、水松塞射擊、彈珠機，臨走時還依依不捨擁抱。二人老友鬼鬼緣於2007年合作拍攝TVB劇集《最美麗的第七天》，唐詩詠為劇中女主角之一，而Helen擔任幕後，因為性格相近，同樣不拘小節而結成好友至今。
