大灣區美味好玩攻略│鄧凱文被老點穿水著浸溫泉 溫泉水上樂園中泡泡池

大灣區美味好玩攻略│鄧凱文被老點穿水著浸溫泉 溫泉水上樂園中泡泡池

一共十集旅遊飲食節目《大灣區美味好玩攻略》,周四、五晚播映最後兩集。本周繼續有「芊芊」郭柏妍擔任嘉賓,夥拍首次拍攝旅遊節目的「東張女神」鄧凱文,兩位青春可人的美女藝員帶大家上山下海,更大方以水著上陣浸溫泉!

本周《大灣區美味好玩攻略》將帶觀眾遊走惠州及深圳,今晚(1日)一集率先玩轉惠州,四人先後遊覽水東街、惠東縣臨海景點,一邊享受價值168元人民幣(約182元港幣)雙人輕食套餐,一邊欣賞一望無際、通向太平洋的蔚藍大海景色,Chill爆!當中水退才能前往的情人島、韓劇式浪漫礁石禮堂是情侶至愛打卡熱點。

隨後四人轉到以奧地利哈爾施塔特小鎮為建築藍本的五礦哈施塔特文旅小鎮遊玩,無論草坪、廣場、建築都充滿歐洲風情,鎮內有不少工作坊體驗活動啱晒一家大細遊玩,美儀姐與郭柏妍「母女檔」上陣製作彩色朱古力,溫馨滿瀉。最後四人還挑戰膽色邊行玻璃橋邊欣賞美景!

最後一站的南昆山溫德姆溫泉酒店,可謂全晚焦點,鄧凱文繼去年參選港姐後,再次以泳裝呈現觀眾眼前,相反師姐郭柏妍卻由頭包到落腳勁密實,搞到鄧凱文以為自己著錯泳衣:「師姐,你話我哋一齊著泳衣上位嘅!」郭柏妍笑說:「上位有好多種方法嘛,你呢個其中一種,我嗰種就另外一種,你上位可能快啲,我嗰個就難講啲!」兩女玩盡溫泉水上樂園中的泡泡池、4D暴風雨沉浸式體驗的「幻.水界」,及懸空透明無邊際泳池,入場費都只需168元人民幣(約182元港幣),值回票價。

麥長青江美儀盼再合體拍旅遊節目 與乖女郭柏妍羅毓儀開心飯敘

由麥長青(麥包)、江美儀主持嘅《大灣區美味好玩攻略》一連10集帶大家遊走十個鄰近香港嘅大灣區城巿吃喝玩樂,節目雖然圓滿結束,但係麥包同美儀姐就同幾位乖女主持羅毓儀、郭柏妍及鄧凱文一齊飯敘,盼再合體拍旅遊節目。

麥包想食遍大江南北,有感「一家大細」去玩係幾開心,講明預埋一眾女主持,美儀笑指最怕佢哋冇檔期,郭柏妍即賣口乖;郭柏妍同羅毓儀喺節目拍攝期間病咗,二人感謝美儀姐細心照顧,講到節目反應咁好,三位乖女叫美儀姐派福利!

 相關推薦

熱門搜尋