自2023年城巴與新巴合併後，陸續更換巴士站牌，惟新設計引起廣泛批評，包括字體過細、顏色搭配不當等問題，更被批不清晰似「驗眼」。運輸署表示，共接獲14宗有關城巴新巴士站牌設計的投訴。
/public/article/content/202505/4044178b-b710-4522-b7ae-223ddec551e4.jpg)
運輸署：主要涉及字體較原有設計小
運輸署回應城巴新站牌設計指，自2023年7月兩巴合併至今，共接獲14宗有關城巴新的巴士站牌設計的投訴，主要涉及字體較原有設計小。
運輸署又指，已要求城巴作出改善，現正與城巴跟進優化巴士站牌設計事宜，並會參考過往所接獲的意見，檢視城巴提交的新設計，以照顧不同乘客的需要。
巴士迷網上批評被城巴小編反駁
此前亦有巴士迷專頁在網上發文，表示原有設計較清晰，「本身啲線個number同目的地大大隻，轉咗新版之後細咗好多，塊牌嘅長度又係咁長。淨係黐過新logo係塊舊牌上面咪算囉」。
其後亦引來城巴專頁小編撰文反駁，「每個人考慮嘅點唔同啦！由設計到審批，到最後出來嘅結果，肯定經過多層考慮，一個設計亦不可能滿足曬所有人。咁既然改變唔到，與其執著『 好 』定『 唔好 』，不如慢慢適應新嘅事物囉！」。
/public/article/content/202505/3686f2aa-7a88-48e3-99b5-a695b65a96a6.jpg)
/public/article/content/202505/9511e05e-675a-46bf-aef5-4287036ff7ba.jpg)
/public/article/content/202505/9b7144e4-e29f-430e-9e80-eafda1a7f835.png)
協進會反映低視能人難讀取站牌資訊
此外，就有關站牌設計問題，香港失明人協進會在3月向城巴發出公開信，呼籲城巴盡快就站牌設計問題與會方溝通，並在可行的情況下作出改善。協進會指出，數月前已向城巴反映新設計令低視能人士難以讀取站牌資訊，但城巴至今未有積極回應，對此感到不解。
協進會強調，不僅視障乘客受影響，一般乘客也對新站牌設計表達不滿，城巴有必要正視問題並作出具體跟進。
網民：新不如舊
不少網民亦在網上對城巴的新巴士站牌表達意見，不少人亦認為舊有比新設計更好，亦有人認為設計更美觀，「舊牌d色都無咁刺眼」、「新不如舊」、「新設計啲字又細咗」、「平心而論新站牌設計係靚嘅」、「真心以前清𥇦好多」、「舊版資訊比較清楚，去邊度係總站；新版就好似唔預俾人離遠睇，似導遊指示」、「改路牌又改巴士牌，越改越難睇」、「巴士牌就係要簡單清晰informative，新款字細留白又多，右上個箭嘴簡直多餘」、「新既站牌跟本係用黎考視力…」、「大家真係覺得有人設計?」、「唔知點解新版我成日miss咗啲number」、「邊個批呢個新design?」、「新版logo太大，目的地number太細」、「我係苦主，成日睇唔清，要行近個路牌先睇到」、「首先右邊張圖唔夠左邊清晰，本身字又細、影得又唔夠清晰，更加顯得睇唔清。」、「新不如舊嘅例子」。