多圖慎入｜私樓港女疑遭樓上鄰居「掟屎」　網上發文求救：好崩潰

左鄰右里本應互相照應，但有些人卻會因不明原因而遭鄰居「滋擾」。日前網上社交平台上，一名女生發帖求救，指自己家疑遭樓上鄰居「掟屎」更貼出多張圖片，形容自己「好崩潰」。

私樓港女疑遭樓上鄰居「掟屎」

該名女生在帖文內表示，「樓上有個痴線婆日日掟屎落嚟，真係好煩惱。唔知有咩方法解決。好崩潰」。

她又附上多張照片，照片中可見有多撻啡黃色的物體滿布窗外，亦有多張染啡黃色的紙巾，非常恐怖。

女生其後再回應帖文指，「剛剛又掟落嚟啦，而家報咗警」，而警察也向她表示，「警察叫我地裝Cam（攝像頭）， 影到就再同佢地講」。

樓上鄰居「掟屎」圖：

好心網民籲一起研究對付方法

事件引起不少網民討論，不少好心網民向女生提供方法，亦與她一起研究對付方法，「我以前屋企樓上一層，對面單位都有個人，成日向我屋企淋水，管理處都無佢辦法（大型私人屋苑），最後我都係靠自己」、「千奇唔好以牙還牙」、「試過有人係我門口屙，you are not alone」、「如果你係租客，即刻搬屋走，完。」、「你屋企個冷氣如果係變頻式嘅話，真係多得佢唔少」、「如果個冷氣佬要幫你換機都幾慘」、「書面投訴信，電郵給管理處不是保安部，CC 業主立案法團正視問題，要求管理處上門影相，寫報告及出通告，自己報食環附上管理處通告信」、「定期報食環書面投訴，不停報警報食環投訴，如果嗰個食環主任唔理就要求搵第二個上門跟進」、「我有同感，自己果到日日有人掉d 垃圾，食物，乜都有 ，完全唔知邊層邊戶 無從入手」、「我突然覺得我樓上狂倒漂白水唔算啲咩了」、「開水喉射走？ 但盡量唔好射到其他野喇」、「樓主係咪前世今世都得罪左佢，好核突」、「一係報東張 一係就掉返啲屎喺佢門口」、「我會set cam 知道邊個單位」、「打電話去食環處投訴先喇，再見步行步。」、「物業管理公司、保安看更、報警可以嗎？」。

相關新聞：

有片｜港私家車內布滿「恐怖蛆蟲」嚇親人 洗車公司用一方法終解決

怪異男子瘋狂向鄰居施展「物理攻擊」 其後更加使出言語攻擊再「擸架撐」!

WhatsApp收到樓下投訴漏水竟然係騙局？！ 有咩好呃？估佢唔到！