一間提供汽車美容服務的公司於本月23日下午在社交平台發片及發文，分享了一次令人毛骨悚然的清潔經歷。帖文中展示了一輛私家車的手枕儲物格內佈滿蛆蟲的驚人畫面，據稱是因為一件遺留的食物引發的「蛆災」。該畫面一經曝光，立即引起網民熱議，不少人直呼「頭皮發麻」、「毛管戙晒」，場面令人難以直視。
蠅蛆相片勁恐怖
樓主上載一張嚇人相片說，「客人急call（召喚）架車有蚊，問有冇啲幾百蚊嘅plan（計劃）可以搞得掂？ 嚟到打開個後座手枕，見到咁嘅情況，點部署。相中嗰啲唔係蚊咁簡單，全部都係生勾勾烏蠅幼蟲（蠅蛆）。
從照片中所見，打開的手枕儲物空間內有一個飯糰，飯糰包裝袋內已滿布疑似蛆蟲，內籠更爬出了密密麻麻的蟲蹤。
其後，洗車公司於當天晚上分享解決方案，指決定採「火攻」，並表示是因為車廂始終為一個密閉空間，加上該車經常要接載小朋友出入，「強力殺蟲水或者煙霧彈其實都不適用，亦都強烈唔建議大家使用喺車廂」。
/public/article/content/202505/79705788-c794-49f8-8beb-910a17da2597.jpg)
/public/article/content/202505/0a5ec114-7a12-4ba2-a1d4-a58375f3fa73.jpg)
/public/article/content/202505/2226e7b2-5daf-47bc-9f21-1cc2e5ea4f8f.jpg)
洗車公司提醒勿在車上進食
事後，該洗車公司總結這次「蛆蟲清潔任務」時表示，考慮到車主的預算及時間限制，最終為其提供了「基本全車深層清潔組合」加上「局部重點消毒處理」，總收費為港幣2180元。隨着事件圓滿解決，帖文最後亦不忘提醒大家：「盡量避免在車上進食，以免重蹈覆轍」。
洗車公司又分享使用的產品，包括「滴露消毒噴霧」、「稀釋漂白水」、「高溫蒸氣殺菌」、「臭氧內循環密閉空間消毒」、「納米抗菌塗層」、「更換冷氣隔」。
網民：我要心理清潔先
不少網民指太恐怖，令其有心理陰影，亦有人指公司應該收更貴的清潔費用，「嘔都已經要收坐底500清潔費」、「個客即時食個飯糰咪幾百蚊做俾佢」、「搞成咁樣 點解仲問得出有冇幾百蚊Plan」、「我架車都試過…車鄰居小朋友返學，點知佢將半份餐蛋治攝入我將櫈邊…」、「如果係因為我個小朋友漏咗個飯團，搞到我架車咁樣…我會換咗個小朋友佢」、「掉個滅蝨彈焗死晒」、「隔住個mon都覺得毛管戙」、「個客點解會覺得嗰個位可以拎黎擺飯糰」、「成部車燒左佢」、「我都想做你生意，但幾百蚊難啲，3至4千都會整嘅」、「冇返3，4千都搞唔掂」、「飯糰擺左起碼一個禮拜啦，唔係點會生嘢。」、「爭啲以為佢架車裝過屍體」、「全架車拎去焗一日再手動清洗」、「密集恐懼症發作」、「以後見到飯團有恐懼」、「應該蓋住都會嗅到腐爛的氣味，都不發現嗎？」。