深水埗鴨寮街近日上演一幕好笑場面。一名身穿短褲的大叔早前在街上一間店舖內要求店員替他「唱散」500元紙幣，惟遭到婉拒。豈料他離開後不久折返，臉上掛滿笑容，竟然在店門外的「貓店長」身旁放下兩條紅衫魚（市值約200元），令在場街坊和網民都大感錯愕，直呼「匪夷所思」！
大叔鴨寮街送貓店長兩條「紅衫魚」
深水埗一小店的店主周六（6月21日）在社交平台以「#愛貓人士 #深水埗鴨寮街」為題，上載一段短片並發帖文，表示「一大早個阿叔喺我哋鋪頭門口玩我哋隻貓，然後攞$500俾我，叫我幫佢唱散紙，我當然拒絕，冇諗到佢轉頭唱完散紙返嚟放低兩嚿水俾隻貓……」。
據片中可見，大叔笑容滿面地走向店舖門口的「貓店長」，彎身在牠身旁放下一張鈔票，還輕輕摸了摸貓貓的頭，隨即瀟灑離去。貓店長似乎也有所反應，即時張口，彷彿向大叔「喵」了一聲；而店舖職員發現後更忍不住手指指、騎騎笑，場面既溫馨又搞笑。
影片截圖：
大叔玩貓期間突問店家「唱散紙」
店主及後放上貓店長的照片講述當時情況，指大叔當時正在玩貓，又問店主貓是否店養的，「我點頭應咗，然後佢用佢一直揸住嘅$500直接同我講，你同我唱散紙，咁我同佢三唔識七，佢又唔係用問嘅方式，咁我點解要幫佢唱啊，係唔清楚對方意圖嘅時候邊個會幫陌生人啊，如果錢有問題，邊個負責啊......最後睇睇我哋隻愛貓幾有型，哈哈」。
樓主其後補充表示：「雖然阿叔最初是來唱散錢，但最後竟然留下紅衫魚請我哋隻貓食嘢，真係好大方，我哋都好感激佢！希望唔止阿叔，所有人都可以過得開心快樂。」
；店主又分享貓店長的日常：「我哋隻貓好鍾意喺鋪頭門口曬太陽，有時仲會走去隔籬鋪頭門口曬下太陽。如果大家鍾意佢，見到佢可以影相留念，佢好乖又唔怕生人！」
另外，有網民放上一張貓貓身旁有一大堆零食的相片，相中貓與涉事的貓店長相當似樣，疑為用了兩張「紅衫魚」為貓店長買東西添食。
網民：真正嘅招財貓
事件在網上引起不少網民及愛貓人士熱議，有網民認為貓店長是真正的「招財貓」，亦有有質疑大叔的愛貓行為方法用錯，建議他買食物較好，「只可以講阿叔係愛貓之人，但係方法用錯咗！」、「如果俾其他貪心嘅人見到嗰200蚊先，可能已經俾人攞咗。」、「議佢買罐罐或者貓條，或者直接俾錢老闆代買貓零食俾貓貓」、「真正既招財貓」、「叔叔勁有愛囉，放低$200摸吓貓貓個頭」、「店長好叻」、「阿叔摸貓頭嗰下充滿愛，有時呢個世界就係咁，永遠都係以貌取人。」、「阿叔笑住行番黎made my day」、「不如比罐頭我」、「店主唔好落格，攞猫嗰2百比自己加餸」、「喂呀好有愛」、「愛喵人，比錢喵喵買罐罐」、「比錢隻貓咁搞笑」、「好可愛的貓咪和叔叔」、「阿叔真識玩，摸完玩完放低2舊」、「貓貓有福氣」、「好warm , 佢真係好鐘意貓咪」、「叔叔好人有好報」。