當香港的雙層巴士吸引眾多巴士迷追捧之際，近日卻爆出一宗爭議事件。網上有車Cam指，有人疑似為了拍攝巴士照片，竟將雪糕筒故意推至馬路中央，導致交通受阻。此舉引發網民熱烈討論，不少人批評行為不負責任，甚至危害公共安全，呼籲尊重道路使用規則，切勿為個人興趣影響他人。
天水圍巴士迷為影巴士擺雪糕筒擋馬路
網上社交平台有一則車Cam流傳，Cam主指，「呢條巴膠仔為咗想影巴士轉出嚟靚啲嘅角度放個雪糕筒喺路中心」。
據Cam主發布的影片所見，該處為天水圍天晴邨附近一帶，當時一位身穿白色衣服的少年，突然於路中心出現，並放下一個雪糕筒，其後跑走離開。Cam主說，少年是為了指攝巴士照片，「我開頭都唔知發生咩事，以為條路有個窿，佢好心放個雪糕筒。點不知跑到尾嘅時候見到成班小朋友攞住部相機先知咩事。」
影片截圖：
網民：呢啲人好自私
事件引起網民熱議，不少人怒轟危害交通安全，「片主應該做番個良好嘅駕駛者，喺安全情況下清理阻礙路面嘅垃圾嘛」、「應該聯絡交通部處理」、「報警就最好，危害道路使用者安全」、「你有車cam，告得入啦」、「巴士迷已經成為社會問題！」、「要報警處理」、「呢啲人好自私」、「危害道路安全!」、「犯法喎，連常識都無。」、「你講安全，佢覺得自己用雪糕筒就解決咗安全問題」、「應該要報警，佢咁做已經犯法。」、「我都係巴士迷，但從來唔會干擾交通」。
巴士迷對他人造成影響可判罰款
根據香港法例第374章《道路交通條例》第48條「道路交通條例-行人所犯罪行」所指，任何使用道路的行人，或於任何道路上駕駛人力車的人疏忽地危害其本人或他人的安全，即屬犯罪，可處罰款$500。