乘港鐵時，除了有電子廣播外，不時也會有車長。近日一列東鐵線列車的電子廣播系統疑失靈，最後辰車長親自上場廣播，期間車長每站均自製「嘟嘟聲」，模仿電子廣播，惹笑一眾乘客。
東鐵線廣播疑失靈變車長親自廣播
有乘客今日（6月30日）在社交平台上載帖子及影片，寫道「東鐵幾fun! 」，指東鐵綫廣播失靈。
據影片所見，該列東鐵線列車當時正停於粉嶺站，然後即將開車之時，車長則親自廣播自製「嘟嘟聲」廣播，「請勿靠近車門，please stand back from the doors，嘟嘟嘟嘟嘟嘟嘟」。
影片截圖：
自製「嘟嘟聲」惹笑乘客
這位敬業車長人肉廣播惟妙惟肖，惹笑全車。影片被傳至網上後亦引起多人討論，不少人網民大讚車長，「本人強烈要求港鐵保留呢個廣播方法」、「佢最後個嘟上咗半個Semitone好頂癮」、「我都係中意當年，尾站，醒啦，悟好訓，個段」、「做咩呢排港鐵d員工咁有活力」、「港鐵啲車長揸車都揸到好悶，有時咁樣玩下都幾有趣」、「佢忘記了講埋普通話」、「摸耳加佢人工，香港人好需要多啲幽默感同歡樂」、「青多 train door，冇晒R奴音」、「如果佢扮以前果個廣播更加好笑」、「佢最尾嗰個嘟好專業。」、「港鐵員工開始放飛自我」、「今日要去塔次，聽到咁嘅擴播真係好開心」、「欣賞車長，嘟嘟聲其實係關safety事，佢有將上堂學既野係有限資源應用到出黎」、「其實香港人咁大壓力，車長無疑幫緊香港人減壓 ，一眾市民聽到好開心喎」、「幾得意喎，我之前都同朋友試過咁樣玩過。」、「比港鐵公司耽誤嘅配音員」、「欣賞佢本人冇笑出來」。