近日網上流傳一段在港鐵調景嶺站拍攝的影片，引起廣泛關注。片中可見兩名乘客因排隊位置問題發生爭執。一名站在箭嘴指示線外的眼鏡男士，被一名站在箭嘴內的婦人指責「打尖」。期間，男乘客情緒激動，回應稱：「我鍾意企喺度咪企喺度囉，你吹得我脹啊？」並一度揚言要報警處理。事件引起現場其他乘客側目，影片亦迅速在社交平台上瘋傳，引發網民熱議排隊禮儀與公共空間秩序問題。
調景嶺站大媽VS後生仔起爭執
5月29日，有乘客在社交平台上傳一段影片，顯示港鐵調景嶺站月台上，一名婦人與一名戴眼鏡男子因排隊位置問題發生激烈爭執。
影片中，婦人指責男子「打尖」，男子則反駁「我鍾意企喺度咪企喺度囉，你吹得我脹啊？」雙方情緒高漲，互相指罵，甚至一度貼身對峙。男子多次表示要報警，婦人則回應「你call啊，我唔call」。爭執期間，婦人突然改變語氣，對眼鏡男說：「我認八婆啊，你認咩先啊？你話畀我聽啊。」男方則回應：「我認你老竇啊！你係咪搵交嗌先！」婦人則說：「咁我搵交嗌你又點呢？」
眼鏡男再次表示要報警，並重申：「我無話打你尖啊，我鍾意企呢度啊，你吹得我脹啊？」婦人追問：「我而家問你，我係八婆，你認咩先？」並說：「你要衰過我囉。」男方反嗆：「點解我要衰過你？黐孖筋。」婦人則不滿：「使唔使出粗口啊？（我）仲粗啲都可以㗎喎。」
即使列車到站，兩人仍繼續口角，最後婦人登車離開，事件才告一段落。
影片截圖：
網民：小學雞鬧交
影片在網上廣泛流傳，引起網民熱議，「其實嗰個位係可以排兩條隊嘅，但係個男人真係好樣衰，幫唔落sorry」、「個男人似係精神有問題」、「好欣賞你拍片拍得咁好」、「繁忙時間金鐘東鐵線罵戰都老是常出現」、「上左車就叫冇上車嘅人「上嚟啊」，冇上車嘅就會叫人落車，跟住閂門就會完結」、「下阿婆第一日搭地鐵？」、「其實道理係男人果邊」、「你而家個樣好惡喎，你想點啊！」、「一班車最多咪幾分鐘，排個隊上車有咩好嘈」、「小學雞鬧交咩」、「以前地下有劃線，係左右各兩行，而家得返兩個箭嘴」、「麻煩友vs麻煩友」、「佢哋嗌交仲衰過小學生」。