市民日常出門大多乘搭公共交通工具如巴士，但遇上沒有公德心的人就非常頭痛了！日前「東張+」在網上發現有短片瘋傳，有巴士乘客指搭車時，一位阿伯在車廂內連環「放飛劍」吐痰。片段掀起熱議，有網民建議投訴，揭發阿伯的惡劣行為。
阿伯公德心連環「放飛劍」吐痰
有網民在社交平台上傳短片，指自己乘搭九巴「278X」路線時，遇到一名「嘔心男」。據他在帖文內指出，「啊伯已吐左差唔多10次，終於拍到條片，吐到連張櫈都係口水。」
據他上載的影片所見，一名阿伯坐於巴士下層，他頭部不停向右方傾側，又多番吐出口中疑似口水的物體，非常嘔心，帖文又表示，「最後忍唔住，都係話個啊伯，跟住司機都即場叫佢清潔返，佢就用張紙係咁e抹下，再掉落地下，到站落車走人。落車再係草叢吐多野。」帖主又形容阿伯沒有公德心，「佢係咩心態要咁做？」。
網民怒插：影衰香港人
事件引起網民熱議，不少網民留言怒罵阿伯行為，亦有人建議投訴，以揭發阿伯的惡劣行為，「死老人渣.....」、「影衰香港人」、「做清潔好慘！」、「我自問算係尊重/敬長者嘅人, 但嚟啲咁嘅PK真係唔駛尊重！」、「Cut 2蚊啦」、「不知情乘客坐上那個位好慘」、「散播病毒，嚴禁坐車」、「係我就一巴刮落去」、「蝗蟲嘅文化全世界公認」、「罰錢啦！」、「有病睇醫生啦！」、「報東張，再投訴」、「應該攞佢去堆填區。」、「真係唔知呢D人咩心態」、「影衰埋自己子女家人」、「亂放飛劍無公德心」。
根據九巴的《乘客須知》第22條所示，嚴禁於車廂內飲食、吐涎或丟棄垃圾，以保持車廂清潔。若乘客違反相關規定，可能會被罰款或面臨其他法律後果。