當眾小便是非常缺德的行為！近日有網民在社交平台Threads發帖文，表示自己坐巴士時，車廂內有一名男子無故在車廂內「當眾小便」，行為極噁心，尿液更是周圍流動。事件在網上引起熱議。
九巴阿伯車廂內當眾小便行為噁心
一位女士在社交平台Threads上表示，周三（8月13日）在天水圍乘坐九巴路線「69C」時，突然有一位阿伯在車廂小便。
該名女乘客指，「阿伯喺巴士下層四人座度係咁飲茶，坐坐下企起身喺路中間屙尿。佢冇除褲，結果屙到成條褲同地下都濕晒。而且，佢隻腳一直都擺喺櫈上面，啲尿就流晒過去。坐坐下又換第二張，今次仲着埋拖鞋擺上去，搞到成張櫈濕曬。我落車前佢又換左個位，整污糟左多張櫈。」
女乘客：成個人呆咗
她又強調，「第一次親眼目睹啲甘噁心嘅事，成個人呆左，咩都唔敢做，希望下次可以處理得更好（我唔想有下次）；並指自己不敢報警，擔心「成車人冇得番工」被罵，而自己亦已向九巴投訴事件。
女乘客其後再提醒街坊要小心看清楚，「有人發現阿伯係慣犯，多數出現係天恩嘅269M巴士。唔清楚阿伯嘅個人身體情況。請大家搭巴士嘅時候小心睇清楚先好坐。」
網民：會唔會係認知障礙？
不少網民對事件留下言論，有人好奇阿伯是否有認知障礙，所以才出現上述情況，亦有人指可能認為是沒意識的行為，建議其家人帶他求診，「佢唔係喺架巴士度屙尿，只係瀨尿啫」、「老人家可能唔忍得，大家多啲體諒啦！」、「會唔會係認知障礙？我老豆都會冇意識行為咁拉尿、拉屎」、「可能係腦退化老人痴呆」、「睇佢個樣似唔正常既人多」、「玩屎尿既真心唔敢直接同佢講，放上網是正確」、「怪唔之得我覺得巴士下層越來越臭」、「其實老人癡呆嘅老人家真係幾慘，又冇人照顧」、「應當通知司機安全情況下停車」、「見到即刻同司機講，一係喺車尾嗌上去」、「應該要報警，應該有社工跟進佢」、「可能係失禁，有啲老人家好抗拒著尿片」。
相關新聞：
東張西望報料｜上水女子當街便溺全過程被拍極嘔心 報料人：轉個彎已經有公廁
東張西望報料 | 疑似巴士車長在巴士內小便 行為噁心兼令人費解
港鐵東鐵綫男子公然車廂內小便全被拍 滿地尿液周圍流動網民直呼嘔心
阿伯公德心欠奉巴士連環「放飛劍」吐痰 網民怒插：影衰香港人
Threads：au_yeung865