為食狗吃下半張$100鈔票狗主糞中尋寶還原鈔票後驚覺「少咗個0」

為食狗將主人的百元鈔票吃進肚裡，為取回金錢，狗主要艱辛地「執屎」，努力在狗糞中尋寶，最終大致還原鈔票，卻驚覺仍少了一角。

樓主：我隻狗真係識食

樓主於8月6日在社交平台Threads發帖並上載相片，表示「話說琴日見到我隻狗咬咗張$100，然後啱啱屙返出嚟。但都係冇用。。。我隻狗真係識食，食100紙。我仲要攞手套執返佢嚿屎同張$100」。

為食狗把鈔票左右兩邊吃掉，只餘中間部分。為食狗之後把鈔票碎片排出體外，為尋回掉失的金錢，狗主只好戴上手套，努力在狗糞中尋寶，找回被吃掉的鈔票部分。

為食狗把鈔票左右兩邊吃掉，只餘中間部分。（Threads圖片）

有網民替狗狗代言稱「隻狗嘅眼神講：未食晒，食咗$50啫」，並安慰樓主「好彩佢係食張100蚊紙，若果佢食1000蚊你就喊啦」。

有人則上載相片，分享被愛犬咬爛100元紙幣的類似經歷。

也有人透露「我隻當年碎咗我媽$8000，好彩拎去銀行換得返（淨碎全部砌得返）」。

亦有人正經地上載金管局的資料，指「可以拎去銀行換」。還有人建議「每日減狗糧嘅量，減到慳返100為止」。

有網民上載相片，分享被愛犬咬爛100元紙幣的類似經歷。（Threads圖片）

至前日（8月15日），樓主再上載相片，在帖文講述後續情況，稱「上次嘅後續，我隻狗屙返出嚟，最後唔見咗個角。下次去換銀紙嘅時候應該要噴下香水，費事你聞到浸屎味」。

相片顯示，樓主花一番功夫取出鈔票，並作清理，其後將碎片拼貼，成功大致還原100元鈔票，但是最終發現在「100元」字樣位置，剛好丟失了一個0字，變成「10元」。

樓主花一番功夫取出鈔票，並作清理，其後將碎片拼貼，成功大致還原100元鈔票，但是最終發現在「100元」字樣位置，剛好丟失了一個0字，變成「10元」。（Threads圖片）

回應的網民笑言「嚿屎市值$100」，同時也發現「少咗個0」，表明想「等下集，睇下換唔換到」。

不過有人卻認為「拿回去銀行，職員也未必敢碰⋯⋯（手套！我要手套！）」。