再有當街便溺的「不文明行為」被拍下！網上有車主在網上社交平台發文，指在山頂的停車場泊車後，發現有小朋友「無公德心」在其車尾便溺，更有照片貼出引起熱議。
車主：我部車係唔係香啲
一名車主在社交平台發文指，「山頂廣場廁所都唔難搵，臨走一刻點解你要個女去我車尾疴（痾）尿，唔去自己車尾疴（痾），我部車係唔係香啲呢。做父母應該要教吓自己個女好好保護自己，公共場所隨地疴（痾）尿係好危險既事，由其喺Tesla附近疴（痾）。」
小朋友「無公德心」車尾便溺
據車主上載的照片所見，有一名人士在其車身後蹲着，於車尾位置便溺，不知大便還是小便；另有照片相信是小朋友的背影，可見他大約已經達11、12歲的樣子，而小朋友的父母亦在附近。
網民稱誇張：去個廁所好難咩？
不少網民表示事件誇張，指廁所不遠，為甚麼要隨地便溺，亦有人指非常沒有公德心，「無家教」、「呢啲畜牲...」、「是父母的錯」、「佢地鍾意就地的！就算有公廁在隔離！」、「由佢自生自滅」、「去個廁所好難?」、「你唔好彩」、「睇佢個樣唔似係第一次」、「咁無公德心」、「山頂無廁所咩?」、「遇到呢d情況可以報警嗎？」、「佢當放狗去射尿咩?」、「可以報警嗎？」、「臨走一刻點解要個女去車尾屙尿？」、「父母係咪喺度睇水？」、「真係癲癩地，個女咁大重叫佢周街屙尿」、「個女都唔細喇，自己都應該識分辨對錯」、「周街屙尿！仲要係商場嘅停車場！」、「看來從小便四圍小便」。