近日一段在香港街頭拍攝的短片在網絡上瘋傳，引起廣泛討論。一名疑為母親的人，當街哀求兒子停止爭吵，雖然其兒子立即趕她到一旁，惟仍死纏兒子甚至跪地，事件獲網民大讚。
港母親當街跪地哀求兒子停止爭吵
影片中，一名身穿藍色衣服的大叔與另一名阿伯爆發激烈爭執，場面火爆。期間，一名身穿粉紅色上衣的老婦人，相信是大叔的母親，她不斷在旁勸止，希望平息衝突，卻遭兒子怒斥：「你行開啦！黐X線㗎？你唔好理啊！」
儘管被推開，老婦仍不放棄，甚至在街頭跪地哀求兒子冷靜，場面令人心酸。她不斷做出「停止」及「離開」的手勢，試圖阻止事態惡化。大叔一度試圖拉起母親，並警告阿伯「你唔好掂我阿媽啊」，阿伯則回應「我無掂你媽啊」，最終騎上單車離開，留下「黐X線」一句。
影片截圖：
網民：阿媽用心良苦
影片在社交流傳，不少人大讚母愛偉大，亦有不少人指該兒子影衰其家人，認為若只是小事則不應當眾吵架，「個老母驚個XX仔俾人打死，求佢唔好搞事」、「呀媽做得好，如果唔係亞仔坐足一世監」、「阿叔見到佢老母跪都想扶佢起身，個死XX淨係識叫唔好掂佢丫媽」、「有個好老母係到但個仔...」、「阿伯比佢兩父子有品好多。」、「阿媽用心良苦！阿伯都已經唔想嘈了！」、「呢啲女人懶係和事佬，先係開波既序幕」、「有個細嘅向度就唔好搞啦，遲早到個細出事」、「唉！個孫咁呼喝嫲嫲，真係好過份」、「香港人的質素每況愈下。」、「個仔同個孫都係咁衰，係要搵交嗌」、「搞到阿叔都呆咗唔敢問候佢娘親」、「人老或者弱勢就會俾人欺負，呢個社會睇太多根本唔係講道理」。