日前香港機場發生一件MMA事件！網上瘋傳一則影片，拍攝於香港機場的行李等候區，兩名男子未知因何事爆發衝突，兩人爭吵其間一名四眼男更「手指指」爆粗鬧小朋友。影片引起熱議。
機場MMA｜護女父大戰四眼男仲爆粗鬧細路
該段影片長約50秒，近日在社交平台上瘋傳。影片所見，應為香港機場的行李等候區，開首見兩名男子在爭吵，一名四眼男怒氣沖沖及不停爆粗，指罵一位父親，又揚言要「隻揪」，該父親則在安撫女兒。
其後，四眼男突然「手指指」指向站在一旁的一位女童，更大聲爆粗責備，令該父護女心切，最終爆發衝突；在另一畫面可見，兩人一度打至碌地沙，之後亦有人出來勸架，該父親亦疑似被打傷嘴巴，四眼男亦不屑走開，影片完結。
影片截圖：
機場MMA｜網民：搞錯細路女都鬧
影片在網上引起迴響，引起不少網民討論，有人指不應鬧小朋友，亦有人指該父應該報警，「呢個男人都唔慌好人，細路女都鬧」、「機場唔係有保安或警察維持治安的嗎？」、「我聽到條pk好似鬧過靚妹」、「4眼仔以為自己好型」、「有小孩同行就咪咁做啦，忍一下啦」、「睇片光頭佬郁手先」、「完全支持父親」、「以為Bob同陸永係度拍緊戲」、「惡棍的特徵：就係好鬼大聲，夾雜好多粗口」、「唉 和氣生財…」、「攞行李啦唉⋯⋯可能係團上兩個已經唔妥」、「著到成個古惑仔咁，一味大聲有用咩!! 唔夠人鬧就鬧人仔女」、「講真啦男人老狗都響度通街打交 唉真係失禮」、「四眼仔好彩啫…」、「聲大大，無家教，第一時間必定諗佢攪事先。」、「機場保安、機管局的人去咗邊？差佬也無？」、「先生唔好打交」。