周一（9月1日）為開學日，有網民在社交平台上載一張一名小學生綁住葱、芹菜返學的照片，惹人充滿疑惑，又查問是否習俗。有網民看後，亦親自解釋掛菜背後原因！
小學生書包掛葱及芹菜返學惹網民疑惑
一名網民在社交平台Threads發帖文，標記「開學」及寫道「有無人知係咪習俗？定係帶飯加料？」，並貼出一張照片，可見在樓梯上，一名小學生的書包上正綁住一棵葱和芹菜返學。
網民解答原來掛葱及芹菜有原因
有好心網民解答，原來在學生書包上掛葱及芹菜，是古時流傳至今的習俗，當中帶葱的背後是希望學生聰明伶俐；至於芹菜的寓意就是希望能勤力、上進。
有人稱「我係香港40年都未見過」
雖然有網民為此而解答清楚真正寓意，但亦有不少人表示自己從未得知這些習俗，也有人指自己小時候亦有被要求帶回學校，更有人可以用其他東西代替如掛飾，「好kam，小朋友好慘」、「係咪大陸文化 我係香港40年都未見過」、「用掛飾就得啦，唔洗綁咁大抽喎」、「會唔會有彩青儀式?」、「細個年年俾阿媽迫攞蔥同埋芹菜返學」、「蔥係代表聰明；勤菜係代表勤力」、「係古老嘅習俗，利申我細個開學都帶過返學」、「下年會唔會出現星班？」、「綁條蔥就聰明，唔使返學啦」、「唉，我媽係我小一時放咗呢堆野入書包前袋，成個月先記得拎番出嚟，所有野霉爛哂。」、「用嚟家政堂蒸魚」、「屋企人嘅愛有時有點kick。」、「出於好意但影響一生」、「吉利嘢，親人出於愛錫關懷。」、「細個開學阿媽會拉膠袋入住呢舊野，放係書包入面，仲會有利是」、「老套啲，不過都算喺祝福嚟嘅。」。