養車的人普遍都會月租車位，以安放自己愛車！近日有車主在社交平台發帖，指自己於青衣長康邨的月租車位，遭一輛的士亂泊，更被該的士司機反鬧，故公開影片到網上。
長康邨的士亂泊月租車位仲反鬧人
片主日前在社交平台上載一段約30秒車Cam影片，並在帖文寫道，「泊左我月租車位，所以要比讚同掌聲歡迎我返黎」。
據車主的車Cam影片可見，當時車主的自家貨車將的士離開的路堵死，令的士無法離開，站於左邊的的士司機一臉不爽，並一度「手指指」斥車主；至於坐副駕位置的一名女人顯然更不爽，並一度走出車外對住車主大鬧，又向車主拍手，形容他堵住「很棒」，其後影片結束。
車主又補充，雖然最後還是有讓的士出去，但仍受到小騷擾，「不外乎玩慢駛同埋急停」。
影片截圖：
車主公開影片惹網民熱議
不少網民及街坊看片後支持車主，表示這位的士司機太可惡，更有街坊指這個車位不時遭人亂泊，「算有送貨柯打寧願掟比人做都要頂死佢」、「長康邨第二期喎」、「師兄見你呢個位成日比人亂泊架」、「片主做得好，困住佢玩佢半日」、「人喺度都冇問題，熄車行去就差左D」、「下次如果係收工既話，泊到聽朝開工先再出車啦」、「玩咗幾耐先到贏到個like同掌聲？」、「果然的士司機無一個蘑菇的」、「貨車哥，應該熄匙，去食野，1個鐘先回來。」、「叫管理處鎖車先好郁車比佢走」、「霸人車位仲咁囂張」、「頂返佢三五七個鐘先走啦」、「喂，師兄，呢單野做得唔錯」、「行開買野飲，睇吓條氣順翻未先再返去」、「我試過貨車月租位俾私家車泊咗返黎無位叫管理處鎖車。」、「要比教訓頂佢半日白交租」、「司機咁好人嘅，梗係停好車食埋晏晝先，撩住牙返嚟開工」、「睇樣佢地都唔急，食埋個早餐先」、「頂住佢，唔好比佢出。一啲禮貌都冇。」、「河馬之後，又出一隻海狗加的士狗」、「飲個靚茶先返黎攞車」、「畀我就停低熄埋車，跟住食早餐先啦」、「師兄好波，頂住佢，比我起碼頂佢一日」、「差啲以為何太嚟」、「支持樓主停車熄匙。睇下邊個吹脹邊個。」。