香港有不少愛狗之人，日前有一名港女帶同狗狗外出，打算坐的士前往動物醫院，但她懷疑被司機拒載，最終要報警處理。事件引起網民的正反熱議，大家鬧完司機再鬧乘客。
港女帶狗狗坐的士疑被司機拒載發文公審
該名港女在社交平台發帖文，寫道，「我頭先帶我隻法國老虎狗上的士，我要帶佢去附近嘅寵物醫院。」在她告訴司機後，司機則不停問她如何前往，其後又自稱「我唔方便載狗」。港女心生不忿，認為被司機拒載，故決定報警。
港女指，平時自己有用開的士車隊，但今次見路程較近便沒有使用，形容自己不幸遇上這些司機；而警方到場後，再問港女「點解你搭的士帶住隻狗冇籠？」。
港女最後又形容，「啲的士X真係唔好再話人唔坐的士，話人call車call uber乜乜XX，又加價又嫌棄寵物又嫌路程短，我可以帶佢搭巴士搭地鐵搭小巴嘅，我洗X搭的士？」
網民正反熱議鬧完司機鬧乘客
事件引起支持和反對派討論，有人質疑是乘客有錯，亦有人表示的士唔抵幫，「根本係樓主你帶狗上的士唔啱，嘈乜嘢？」、「自己養狗唔做好功課，上車要籠都唔知」、「的士唔抵幫啦」、「其實由你上車開始佢都冇拒載，你諗真啲你自己嘅態度」、「其實... 的士例第9條真係講明俾番佢決定載唔載動物，報警都鋤佢唔入」、「我明嬲緊乜野，不過下次都係唔好衝動住」、「亂咁報警...」、「點解唔叫翻你平時嘅車隊？」、「下次你可以試下用的士 app call車」、「有狗係麻煩啲。我住東涌，短程都會照call返平時call開出巿區嘅的士」、「幾時開始搭的士狗要入籠，聽都未聽過」、「狗主表示其實uber 都好X…真係好X的…香港養狗真係好慘」、「冇入袋係kick咗啲，的而且確，的士有權拒載有寵物嘅乘客」、「其實動物嘅話係有權拒載嘅」、「有好多司機唔中意狗，你可以選擇寵物友善司機，但你既態度亦唔好得去邊」。