不論汽車還是行人，衝紅燈都是違法行為！周三（9月10日）上午11時許，一輛的士竟然無視一旁的警車衝紅燈，公然挑戰法例，甚至險「Fake」警員，不過警車並沒有對其追截，引起熱議。
的士無視警車衝紅燈 警員竟無追截
今日一段長約25秒的車Cam影片在網上流傳，為一輛的士無視警車衝紅燈。據影片所見，在一個燈位前，一輛警車因紅燈而停下，左方線道原有一輛紅色的士停下待開車。
突然，的士未知因甚麼情況而衝紅燈向前行駛，一度險「Fake」警員，警車前行數步後方發現未轉燈便停車。而眼見的士衝紅燈的行為，警員竟然無追截。其後影片完結。
影片截圖：
網民熱議：咁都當睇唔到
事件引起網上熱議，大多網民不明白為何警方沒有追截行動，形容他們「選擇性執法」，亦有人希望警方解釋，又指要報《東張》，「畀人fake完唔敢追？」、「放飯大過天，梗係唔搞」、「老虎頭上釘虱乸」、「這是正式錄用的警察嗎」、「紅的膽大包天」、「選擇性失明???」、「唔同部門，多數唔理，但叫佢地扮牌多多都肯」、「仲以為係隻game黎添」、「轉灣收工啦 ！呢單野唔係我跟開」、「又可以1823一個衝燈」、「呢單野唔係我跟開」、「阿sir 不是交通部， 所以唔追！」、「警方出嚟解釋下吧」、「試吓如果抄牌罰款有分紅嘅話！」、「警車應該有cam，拍底車牌交畀交通部寄信咪得囉。」、「原來咁多人唔識分邊啲車係交通部，定係覺得飛虎隊都應該要抄牌」、「Call上台等其他同事跟，我哋返工收工先」、「1823唔知阿Sir睇番有咩反應」、「樓主可以報影住駕」、「見到犯法都唔執法」、「阿Sir做嘢唔駛你教」、「我送文件㗎咋，我追車咁危險唔好搞我啦」、「有支衝燈影到先唔追咋？定選擇性執法」。
「衝紅燈」為犯法
根據道路交通（違例駕駛記分）條例第375章，司機沒有遵守交通燈號(包括紅燈或黃燈)，會被記5違例駕駛記分，若初犯最高罰款5,000元及監禁3個月，再犯則有機會被罰款最高1萬元及監禁6個月。至於未有駕駛執照的人士，運輸署記錄冊亦會留下記錄。