大埔汀角路日前發生車禍。周三（9月3日）中午，汀角路近露輝路附近，一名女司機駕車時，於燈位附近停下之際突然失控轉向左方，撞到鄰線電單車司機。
女司機炒車撞向電單車
據網上流傳影片所見，鐵騎士收掣不及秒被撞飛。至於該名女司機於炒車撞向電單車後已立即停車，之後女司機緩緩步出車廂。她先拿起手機向一旁的Tesla私家車拍照，其後再行前查看鐵騎士情況；而對面線亦有另一位好心鐵騎士上前幫忙。影片完結。
影片截圖：
網民憂鐵騎士情況及斥女司機
影片曝光後，引起不少網民討論，不少網民擔憂鐵騎士的情況，又祝他早日康復，亦有人斥女司機不顧交通安全，又指她是「馬路炸彈」，籲她不要再開車，「阿姐你大鑊喇今次」、「女司機跟車太貼
落車唔係睇咗電單車司機情況，反而走去影相！乜嘢心態？」、「26司機冇飛落橋，都算好彩」、「鐵騎士沒事吧?」、「自己唔睇燈跟住行，抽頭又抽到咁誇張，個女司機又覺得自己無錯架，最衰係前面架車突然停車」、「個女司機都幾恐怖，第一反應唔係剎車而係抽頭」、「藍車條線係可以轉右，係阿姐跟車太貼啫。仲要影相以為自己冇錯?」、「建議女司機早日放棄個牌唔好害人」。