九巴車長化身「飛機Captain」開咪？一名女乘客日前在網上分享坐巴士時的趣事，指有車長突然透過車廂揚聲器，提醒乘客緊握扶手及佩戴安全帶，更有貼心提示要帶齊物品下車。
九巴車長化身「飛機Captain」開咪提醒乘客
該巴士乘客於社交平台發帖文寫道，「原來香港搭巴士都有captain speaking（機長廣播），到站仲會同我哋講bye bye」。她指，自己當日乘坐九巴「230R」線，由九龍站前往馬灣（珀欣路）。
據她上載的照片見到，她乘搭的是來往九龍站及馬灣（珀欣路）的230R線九巴，車長在行車期間，突然透過車廂揚聲器提醒乘客緊握扶手及佩戴安全帶，到站時更貼心提示記得帶齊個人物品，並親切地說聲再見。
幽默說話獲乘客大讚
據她上載的兩段影片中，聽到車長開咪向乘客廣播，「有需要嘅乘客就捉住啲扶手又好，攬安全帶都好嘅，多謝咁多位先」、「我應承拍手掌，所有拍手掌嘅人呀」，並隨即聽到乘客此起彼落的掌聲。乘客大讚車長風趣幽默又有禮。
網民：平時車長開咪係罵人
影片引起不少網民討論，有人表示，平常車長開咪都是罵人，很少遇上有溫馨提示，亦有人指非常溫暖像平時飛機的「Captain」一樣，有在飛機的感覺，「巴士司機開咪聽得最多係”上層唔企得，你唔落嚟我唔開車”」、「架架巴士都有mic，不過好少開」、「個車長係未以前做Tour guide？」、「好似去咗旅行咁，有feel」、「我未聽過，我相信只係部分車長會咁做」、「各位乘客,本班車已經到達終點站,請所有乘客落車,多謝選乘230R線」、「咁樣幾好呀，司機開工又冇咁悶，乘客又覺得好窩心」、「可愛的車長」。