旺角信和中心一間夾公仔舖發生盜竊案，一部夾公仔機遭人盜竊公仔。店主事後翻查閉路電視，並於網上發「尋人啟事」及影片，希望涉事的情侶能夠歸還貨品及金額，又指已報警。
旺角情侶夾公仔機「零元購」用索帶偷公仔
事發於旺角信和中心M層一間夾公仔舖。店主日前於社交平台發表題為「尋人問Threads」的文章，店主稱，「聽講threads搵人好易，想識圖中嗰對情侶，勁有料0蚊出labubu仲要連續兩晚，好想搵佢地偷師同問下索帶咩牌子，希望threads幫我搵到佢地」。
據帖文附上的影片可見，一對情侶在夾公仔機前張望，左邊一名男子
拿起一條白色索帶塞入機內，不停向撩動一隻公仔，數秒後公仔便跌落出口處，兩人「零元購」取出公仔拿走，；至於女生則疑似站在機前想擋住鏡頭，兩人手法非常純熟，影片結束。
店主發片尋人：已經報警
店主其後又表示，「第二日嚟仲要帶晒口罩拎埋索帶」，他又指已經報警，「電子報左案喇，但都要搵到人先有用」。
網民：咁都偷到
事件引起網民熱議，亦有不少人認為情侶是慣犯，也有人建議店主再改進擺法方式，以免慘案再發生，「好心啦，大人大姐，呢啲嘢第一偷嚟都都用又唔係要嚟食，肉肉酸酸咁，100幾十蚊玩吓咪當支持吓經濟」、「犯案手法純熟，應該唔止第一次」、「台主，我都好同情你，但我建議你再加多幾條索帶穩陣啲喎」、「用索帶對付索帶」、「唔想俾人夾到就加咁多條索帶！老千遇老千」、「咁夠膽既？偷嘢都唔戴口罩？」、「居然無人睇場，賺到盡喎」、「認真問認真夾幾多錢先夾到？」、「一律建議報警」、「報警！睇下警察幫唔幫到你囉！」、「呢啲人真係cheap,人哋做生意都好辛苦。」、「為左一百幾十要坐監真係得意」。
根據香港法例第210章《盜竊罪條例》所指，定義為未經他人同意，非法挪用或奪取財物，是一項嚴重的刑事罪行。根據本港量刑標準，偷竊罪的判刑取決於多種因素，包括偷竊的金額、情節的嚴重性以及是否有過往犯罪記錄。若金額低於1,000港元，將視乎情況給予罰款或社會服務令；若金額為1,000至5,000港元，可有機會被判最多3年監禁或罰款；至於金額5,000港元以上，視乎情節嚴重性，有機會被判3至10年監禁。