中環街頭近日上演一幕「都市奇景」，一名港男疑因尿急難耐，竟在大街大巷「脫褲放水」，全程被途人拍下，畫面震撼網民視網膜。更戲劇性的是，男主角身旁女伴發現有人拍攝後即時爆發「獅吼功」，怒斥拍攝者：「唔好影！」，網民笑言：「呢位姐姐係咪修煉咗音波攻擊？」
港男大街大巷「脫褲放水」
事發於中環繁忙街道，據目擊者描述，在夜深事分該名男子疑似飲咗啲乜，突然「脫褲就地放水」，毫無遮掩，旁若無人。帖主將事件拍下並上載社交平台，瞬間引爆網民熱議。女伴見狀即時轉身怒吼，聲浪震撼半條街，成功令拍攝者「手震三秒」，但影片已經「一去不復返」，在網絡瘋傳。
網民狠批：一啲羞辱心都冇
網民紛紛留言：「中環唔止有金融交易，仲有水資源釋放」、「呢位男士係咪以為自己係消防員，負責街頭灑水？」、「女伴獅吼功一出，連港鐵都震一震！」；亦有網民建議政府應加設「緊急尿急站」，以防「街頭放水」成為新常態。
公眾地方便溺可被罰款
根據香港法例第132BK章《公眾潔淨及防止妨擾規例》第8（1A）條所指，任何人不得在街道、公眾地方或公眾看見的地方大小便，初犯者最高可罰款5,000元，再犯則被罰款1萬元。
當眾便溺也有機會構成「公眾地方行為不檢」。根據香港法例第228章《簡易程序治罪條例》第4條所示，任何人無合法許可權或解釋而在公眾或無掩蔽的地方或其他不適當的地方大小便，有機會觸犯在公眾地方犯的妨擾罪，一經定罪，可被罰款2,000元或監禁3個月。
帖主全文：
離遠睇以為係遊客，點知原來係香港人
影完之後仲要好大聲XX我
真係後悔冇zoom近女主角(好強勁嘅獅吼功)
中環大街大巷柯尿 仲要大大聲 第一次見
下次唔好咁做啦
(Threads：coachstrawberry)