新田公路昨日發生一宗交通事故，一輛載滿回收衣物的貨車在上水往元朗方向失事，車廂翻側後大量衫褲散落路面，場面猶如「屍橫遍野」。事故影片隨即在社交平台流傳，引起網民熱議。
新田公路回收貨車失事衫褲「屍橫遍野」
根據網上轉截影片所見，涉事貨車上載運的大量回收衣物散落路面，覆蓋行車線。由於衣物顏色多為灰暗，遠觀猶如人形倒臥，令途經駕駛者一度誤以為發生「嚴重人命事故」；現場亦有一支燈柱被撞塌，貨車右側車斗被削半。
警方指，周日（11月24日）傍晚約5時半，一輛貨車沿新田公路往屯門方向行駛，惟途至近加州花園對開時失事撞倒燈柱。事故中，姓何、51歲的男司機手部受傷，經救護員即場包紮後，拒絕送院。據悉，何男報稱閃避切線私家車故扭右撼柱。
受意外影響，新田公路（來回方向）近加州花園的部份行車線封閉；晚上9時許全面解封。
網民：遠睇以為好多屍體
事故影片在社交平台流傳後，迅速成為網民焦點。有人留言指「遠睇真係以為好多屍體」，亦有人戲謔稱「新田公路變咗二手衫大減價現場」、「一開始以為出咗大事，心都涼晒，近睇先知係衫。」、「啲貨綁得咁鬆，真係危險，唔止阻路，仲會嚇親人。」、「如果有需要二手衫嘅朋友，可能覺得係天降福利。」、「咁多衫散落路面，唔知最後仲可唔可以再回收，會唔會變咗浪費？」、「新田公路本身已經塞車，呢次全線封閉，真係雪上加霜。」