香港天文台於7月20日（星期日）懸掛10號颶風信號，全港交通受阻。有港男在社交平台發文，分享當日乘搭的士的經歷，指他從九龍宋王臺港鐵站前往聖德肋撒醫院（法國醫院），全程僅約3分鐘、約1.5公里，卻被收取高達371元附加費，總車資達400元，但乘客竟反稱司機有良心，惹起熱議。
十號風球下搭的士疑「劏客」
帖文附上咪錶及車費單據截圖，顯示咪錶車資為港幣29元，而附加費一欄則標示為港幣371元，共400元車費，即是原本29元的近13倍；至於單據上「總行駛公里」、「收費公里」及「收費分鐘」均顯示為「0」，疑似未正式起錶。
儘管車資遠高於正常水平，但樓主並未批評司機，反而表示感激：「香港人真係好有愛，10號波好辛苦司機，每程車都係搵命博，咁近3分鐘路程都肯車我，仲要收得唔貴算有良心。」
的士事件惹網民熱議
事件引起網民熱議，有人質疑風球期間的士收費是否應設上限，亦有人認為司機冒風險載客，收取額外費用屬合理，「371蚊附加費咁零丁？」、「咪錶係到埗先㩒，咁近收四百，都幾進取」、「如果你係急去醫院，相信大把香港人願意車你一程」、「張單都幾假吓，冇旭過，禁附加費」、「呢個價錢的確係收得好貴，但10號風球，要收咁貴我覺得可以接受。」、「唔怪之得昨日變番8號後，我call車冇人理我。」、「我今朝call Uber 咪錶的士 完全冇加價」、「上車前有無講明，有就你閣下問題」、「3分鐘路程加300，好過分啫」、「乜野搵命搏？車左你去加沙定烏克蘭？」、「一個願打一個願捱 perfect match!」、「司機真係好好搵」、「你想講乜？ $400 十號風球？」、「3分鐘，行去都得喇」、「咁近！慢慢行過去都可以」、「$29 唔係正價。佢冇起錶行車。睇吓收據。」
運輸署的士正常車資
根據運輸署最新的士收費表（2024年7月14日起生效），市區的士首2公里收費為港幣29元，其後每200米或每分鐘等候時間收費為港幣2.1元，直至車資達港幣102.5元後，收費降至港幣1.4元。以該名乘客的行程距離計算，正常車資應維持在起錶價範圍內。