近日再有借錢黨出沒。一名港男日前在社交平台發文分享，指凌晨3時駕車途經錦上路石湖磡路口時，遭一名男子攔車求助，聲稱外婆急病入院，急需借取300元應急。
男子扮孝孫哭訴借$300外婆睇急症
據事主在社交平台的帖文表示，該男子情緒激動，聲淚俱下地表示外婆正於瑪麗醫院急症室留醫，自己身無分文，懇求借錢並強調「唔係壞人，唔好當我乞兒」。樓主起初要求對方以轉數快還款，但男子以「剛從台灣回港，未開通轉數快」為由拒絕，並為取信樓主，自稱在銅鑼灣任職髮型師，留下電話號碼承諾翌日還款。
翌日發現中借錢黨招
樓主見對方衣着整齊、口音純正，且情況緊急，最終答應借出300元。惟翌日致電對方時發現電話無法接通，翻查行車記錄儀（車Cam）更驚覺該男子早已尾隨其車輛進入村內，始知受騙。
有網民認出疑為慣犯
事件曝光後引起網民熱議，有人指男子疑似是慣犯，更有人表示曾遇類似情況，「好彩，我都差啲中招。」、「記住：急症唔駛即比，佢會寄信問佢攞翻。」、「我中過 ！畀咗200蚊佢 ，佢啲演技好勁 ！三秒內喊得出」、「錦上路點會去瑪麗，去都去北區醫院嗱」、「我都遇過，又係我泊完車係車場門口拍我，又係一樣對白，又話自己住乜乜花園，我叫佢去地鐵站搵警察幫你，跟住無理佢走左」、「原來而家轉咗場去錦田搵食，之前成日喺沙田呃人錢，話自己係陳慧敏契仔」、「佢慣犯嚟，成日呃的士搭」、「我都遇過佢，佢話佢冇現金搭車，我話幫佢call可以用app支付嘅車，佢又係都要現金，我話我有大陸微信，你過數俾我先，佢就話唔駛啦謝謝」、「你講起呢樣嘢，我就一日喺沙田圍搭巴士嘅時候，佢去走過來想喊想喊咁樣，可唔可以借佢$100？」、「我都係佢，俾咗兩舊水佢，銀包仲有$100人民幣都攞埋」、「日日有人講，但都日日有人被呃，唉⋯」、「係上水火車站食煙都試過，我直接問佢係咪打劫，另一隻手按左3條9」、「太多騙子，講到金錢一定不會比」。
以欺騙手段取得財產最高判10年
香港法例第210章《盜竊罪條例》第17條「以欺騙手段取得財產」罪，以上事件有機會違法，任何人如觸犯，最高刑罰為監禁10年。