有片｜油塘「借錢黨」出沒向途人索錢　操普通話女子疑玩KK園新招-東張+

除火炭外，近日油塘亦出現疑似「借錢黨」，更不停向途人索錢。有油塘女街坊在網上分享撞破「借錢黨」的經歷，片中一名操普通話口音的女子事後更逃跑。事件在網上引起討論。

油塘「借錢黨」出沒向途人索錢

有油塘街坊在社交平台分享遇到「借錢黨」的經歷。帖主在油塘一個坊群組發帖文，題為，「KK園入侵油塘，真係忍唔住」。她表示，周日（5月18日）晚上，在油塘遇到一名女「借錢黨」，她操流利普通話。

據她上載的數段影片可見，女「借錢黨」突然在街上截停一名男子，然後疑似向男子索錢；另一影片則聽到片主撞破女子，更說，「錄咗（問借錢）好多個啦！」，而女「借錢黨」則不停遮住自己，又試圖搶電話但不成功。

片主懷疑為「KK園新招」

片主又表示，「似KK園新招，話無現金，問男人攞現金再微信即場俾返個男人，之後搵KK園慢慢氹你入局，讚你好人，氹你，想認識你之類，再慢慢呃你。見過真人的確比起cold call 易呃好多」。

影片截圖：

街坊讚「做得好」另籲片主報警

事件引起一眾油塘街坊留言，不少街坊讚片主「做得好」，但同時擔心片主安全，另有街坊籲片主報警，保障安全，「樓主真係要安全情况下拍，怕有同黨攻擊，安全至上」、「未遇過，唔明就問，其實佢哋最終目的係乜？開頭開口都係借幾十蚊」、「係唔係問人借錢？」、「上次我就係遇到佢問我拎$，你真係好勁，見義勇為」、「多謝街坊見義勇為」、「叫999幫她返大陸」、「啟德都見過呢個人問借錢」、「觀塘泳池都見到佢問阿伯攞錢」、「在馬會門口，有一個講普通話的男人，試過問我取金錢」、「揀油塘好簡單，因為大本型樓下有直通巴，收工即刻返屋企。」、「早排夜晚11點油塘B出口都有～」、「呢個咪我上次喺成都小巷門口見過佢，嗰陣啱啱拎完快遞出嚟，佢問佢拎錢，我話幫佢打999，有免費住宿同飯食，食飽就會免費送埋佢返上去」、「問你拿錢買飯食，之後話比番你。。。玩左幾年都仲有。」、「早排都有呢啲女人係大本型/社區會堂對面四圍問人攞錢，而家又返返黎。」、「報警，保障安全」。

在街行乞可被判囚最高12個月

根據香港法例第228章《簡易程序治罪條例》第26A條「乞取施捨」罪所示，任何人在任何公眾地方乞取或收取施捨，均有可能觸犯法例。進行行乞活動的人士如屬第1或第2次定罪，可處罰款2,000元及監禁1個月；如屬第3次或其後定罪，可處罰款2,000元及監禁12個月。

至於因應個案的情況，若行乞活動涉及恐嚇、擾亂秩序等，有關人士亦有可能干犯其他罪行，例如第228章《簡易程序治罪條例》第26B條「以恐嚇方式行乞」罪，最高刑罰為監禁18個月；第245章《公安條例》第17B條「公眾地方內擾亂秩序行為」罪，最高刑罰為港幣5,000元及監禁12個月等。

相關新聞：

有片｜火炭現疑似「借錢黨」向途人索錢買飯 兩男女身穿名牌操普通話

有片 | 紅磡2女子當街連環拉址搭訕途經男士 疑涉不法勾當令人咋舌

借錢黨出沒！3人損失3200元 39歲男被捕疑涉另外兩案件