大埔宏福苑五級火造成重大傷亡，網上流傳相片，有工程公司發出通告，嚴禁在地盤範圍內吸煙，並設有舉報電話，違者會被罰款3000元及即時趕出。
工程公司發通告嚴禁地盤內吸煙
有網民在Facebook上載一張通告的相片，該通告由一間工程公司發出，內容為「嚴禁在地盤範圍內吸煙，違者罰款3000元及即時趕出，地盤不另行通知（如我司收到舉報會嚴格執行）」。
工程公司亦設有舉報電話，通告內指出，需要列明時間地點，並影相作實。
上載相片的網民表示「率先有地盤帶頭，好事」。
網民：真係做到先好
相片引起熱議，網民紛紛留言表示「告示出左（咗），班友跟唔跟先？你話，舉報有相有樣，每次獎5000，影到個個罰10000就有『啲』用啦」、「天真.... 」、「不嬲都有話唔畀食架啦，無話帶唔帶頭」、「張紙就一直存在嘅，10幾廿年都有話唔俾」、「亞頭好緊要，要嚴厲執行及永不錄用」、「篤灰制，每篤到1個就分10%，肯定個個都好積極」、「其實唔應該係罸（罰）款，應該即炒，不再錄用 」、「個個盤都有類似嘅規矩，啲人聽唔聽係另一個問題」、「真係做到先好」。