大埔宏福苑五級火事故導致多人死傷，全城關注棚網安全問題，近日亦有多個圍有棚網的地方「急急腳」收起棚網。有網民最新在網上分享，指在市區看到一個地盤外，有工人公然「擔煙仔」收棚網惹起討論。
建築工人地盤「擔煙仔」收棚網
根據社交平台流傳影片所見，在一個地盤外，一名建築工人正在收起棚網，但仔細看，工人口中正含着一根香煙，而香煙亦正在燃燒，非常危險。轉載影片的網民更揶揄說「啲工人咁樣擔住支煙拆網，驚都未驚過」。
網民：害死香港人！
不少網民將其聯想到近日大火的大埔宏福苑，質疑安全性，亦有多人斥責建築工人的行為，認為他會引起意外，再次導致死傷，「死咁多人都係因為網遇上煙！呢D咁嘅衰人蠢才！嚟咁多害死香港人！」、「send上勞工處，搵佢核實身份，停佢牌啦呢啲人，害人害物」、「其實而家有證有據， 係咪可以檢控？」、「咁大災難後， 呢種人不但沒有反思，反而繼續無視，良心去左邊？ 真係不解」、「食煙收尼龍網。煙頭掉去那？」、「食少一枝唔會死呀」、「唉，仲未吸取教訓，唔好害人啦，食少陣唔駛死㗎」、「真係唔應該一路工作一路吸煙！」、「佢梗係未驚過！驚嘅係上面住啲住戶。」、「呢啲PK食少陣會死三代咁。」、「唔吸煙是否會死？拆除圍網的這位工人還吸住支煙」、「見過鬼未怕黑！」、「吸煙真係害死人！」、「政府話竹棚有問題喔，你拆網做乜？」、「建築工人，要去考牌」、「佢係咪外勞？真係完全唔明點解會繼續咁做」、「到底呢啲人幾時先識驚」、「死不悔改，這些正人渣」。