近日網上流傳一段影片及貼文，指一名市民於本月5日晚上約7時10分，乘坐由上水開往屯門的44A線紅色小巴，期間司機駕駛態度惹爭議。貼文形容，車輛在大直路上「左搖右擺，好似坐船」，更指司機單手飲涼茶，引起安全疑慮。
乘客怒斥：直路都行唔到 仲要飲嘢
貼文批評司機「自己個身都控制唔到就唔好揸車」，並指出 「影到貼住80開，條路跟牌都100架，其他車咁快一撞就大大鑊啦」。根據法例，紅色小巴限速為80公里，而涉事路段最高限速為100公里，司機在身體明顯不能自控的情況下仍以接近限速行駛被批「恐怖」，留言更指「你都係交番個牌出黎，唔好害人啦」，並加上標籤 #量力而為 #直路渣船。
車速顯示器疑遭停用 長期顯示「0」
事件更引起另一個安全隱憂：乘客拍攝的車廂照片顯示，車速顯示器（Speed Display Unit）螢幕長期亮起紅色數字「0」，並未隨車速變化。根據運輸署規定，公共小巴必須安裝並正常運作車速顯示器，以保障乘客安全。若不當使用顯示器或干擾顯示器使其失靈，均屬違法。
網民熱議：有人覺得「小巴就係要快」
事件引起網民熱烈討論，有人留言「搭巴士啦，小巴就係要快」，但亦有人反駁「你有冇睇條片架，佢揸到跳舞咁呀，直線都行唔到」。另有網民形容司機「好似捽碟咁捽」、「神打上身」，並質疑「冇show司機證出黎」。