旺角街頭表演再爆爭議！不過今次不是因為音量、聲浪問題，竟然是與錢銀相關？近日社交平台流傳一段影片，拍攝地點疑為西洋菜街，近港鐵旺角站出口附近。一隊Busking樂隊正在演出，結他袋放在地上收取打賞，期間一名男子突然走近，伸手拿走袋內鈔票，場面震驚。
旺角Busking友遭阿伯「當眾偷錢」
影片顯示，男子動作迅速，隨即轉身離開，眾人頓時錯愕，其他現場觀眾亦一度嚇呆，有人嘗試阻止，但男子已快步離去，主唱見狀立即停止演唱，並即時高呼，「阿伯，攞返啲錢返嚟啊！」。其後，主唱又在網上帖文寫道，「阿叔你會唔會有啲明顯？嗰張係$50最後仲要搣爛咗」。
網民：好似乞兒兜入邊搶錢
不少網民對阿叔偷錢的行為表示不滿，有人指應該報警，亦有人指阿伯無恥，「江湖救急」、「一定要拎返啲錢！」、「好似乞兒兜入邊搶錢」、「覺得好聽就打賞，覺得唔好聽就拎賠償」、「點解要搣爛？」、「阿叔收你保護費」、「咁都得，真係厚面皮」、「整爛要報警」、「真係無恥便無敵，後生仔有品唔同佢計較」、「收返啲噪音補償費啫」、「收陀地呀??」、「真心問…算唔算偷嘢？」。