近日新聞經常報道「飛機老鼠」，小偷幾乎日日有，令到市民人心惶惶！最近本網發現，香港飛峇里的航班亦有「飛機老鼠」，有網民在社交指，幸好及時發現財物無失，又提醒大家要小心財物。
香港飛峇里航班「飛機老鼠」
有網民在社交平台發帖文，指日前由香港飛往印尼峇里的航班上，發現有「機艙老鼠」，故發帖文警惕大家。她指，自己周三12月17日乘搭凌晨機前往印尼峇里，「因為係凌晨上機 所以大部分人上到機都訓著左，小偷趁全世界訓著就行動。我地有個背囊放左係我地頭頂個格櫃，飛到中途feel到有人係我地格櫃攞野，個大陸人坐後我地2行 攞左我地個背囊返自己位摷，好彩我地冇放貴重物品係背囊 加上即刻發現到捉住左佢」。
旅客驚魂：記得貴重嘢放身邊
其後，事主指已向空中服務員交代事件，但因為沒有財物損失，加上去程機，故沒有採取行動。事主又提醒其他網民要小心行李，「大家坐飛機千其千其記得貴重嘢放係身邊，最好乜都放前面座位底，大家要小心提防XX人」。
網民：「偷呃拐騙」樣樣做齊
不少網民對於事件感到驚訝，強調一定要小心財物，亦有人表示自己曾中招，損失現金，「偷呃拐騙樣樣做齊」、「佢揸住你個袋嘅時候就應該影低張相做證據，佢有冇偷到嘢都冇權攞住你個袋，而且你有人證，睇住佢攞住你個袋已經可以報警」、「下星期飛，放頭頂嘅行李，我諗住買個「啷啷」掛住，起碼老鼠一攞即刻聽到，會唔會好啲」、「上星期去越南中招, 背囊放上面, 比人偷晒d cash」、「Ex crew，捉過飛機老鼠，你可以insist 報警，至少落機條友會比人拉」、「如果一個人坐長途機，去廁所或者瞓着覺咁點算？銀包電話就話跟身如果有本Notebook咁點搞呢？個廁所又咁細。」、「報警都無用架，早幾日有個同款post，回程返香港捉到應，有賊藏都要放佢走，因為香港警察話如果要告條友就要將證物keep 12個月定半年等審，好多遊客或者係本地人都唔想自己嘅財物keep喺差館咁耐而放棄同埋要去香港出庭。」、「我喺埃及個程機都有影到，就算有影到佢地偷錢，錢物歸原主之後應該都未必會拉我估」、「真係要提醒朋友貴重野跟身！」、「我上次東京5點幾機都係香港航空返黎好似係佢見佢係機尾行上黎機頭行一個圈又走返去機尾都幾肯定佢係上偷野」、「就算坐隔離，他們也可以拉開你的手袋偷錢」、「其實貴重物品直頭要跟身，連地下個袋都唔好擺入去」、「Hand carry 首先一定放椅底，假如被迫要放 over head，一定放對面」、「唔係淨係搭飛機去旅行，去邊度貴重財物跟身！」、「其實airline收到疑似呢D小偷既乘客真係要remark, 有姓名+相就最好，下次一上機就等Crew提早留意」。
根據香港法例，「盜竊」為嚴重罪行，一經定罪，最高可被判監禁10年。