在沙田一間連鎖快餐店，近日有疑似偷袋賊出沒，被其他顧客發現，當時該名人士疑正在假裝等位，並鬼祟緊抱大衣作掩飾。不少網民作出熱烈討論，認為偷袋賊很可能是男扮女裝，以減低其他人的警覺性。
樓主：好似想偷女士個手袋
樓主日前在社交平台Threads以「住沙田區嘅朋友小心！」為題發帖，並上載相片，提醒「大家食飯真係要睇實手袋！噚日食飯見到個女人遮遮掩掩、眼神閃縮扮等位，見佢用衫遮住，好似想偷另一個女士個手袋！」。
樓主續指，「我即刻大聲叫個小姐小心睇住個袋呀！個女人即刻扮傻就走人」。樓主再次提醒，「食飯真係要打醒十二分精神！幫手Share（分享）出去警惕街坊！」。
閃縮抱大衣 網民：件衫就是遮擋物
相片中可見，戴著眼鏡的疑似偷袋賊形跡可疑，閃縮地抱著一件淺灰色大衣。有網民認為，這是「標準扒手開工款！看下件衫就是遮擋物，加上眼鏡，防止他人多度觀看眼神」。
亦有網民表示「過年好多文雀，真係要小心」、「好多順手牽羊，要保管好財物」、「飲茶真係要小心，好多人個袋就放在椅上」、「香港太多呢啲人，表面穿著好斯文，其實係賊，手袋都係自己身體上好啲」。
網民：咁似男扮女裝嘅？
網民對於疑似偷袋賊的性別，作出熱烈討論，不少人仔細觀察照片後，推測偷袋賊有可能是男扮女裝，表示「男扮女嘅扒手」、「第一眼望落去都覺得佢係男人，原來咁多人都覺得」、「咁似男扮女裝嘅？勁似男人嘅呢條友？」、「應該係男扮女賊」、「男人嚟喎」、「一睇就覺得係男人」。
有人估計疑似偷袋賊男扮女裝，是為了減少其他人的警覺性，指「因為平常人對女性警覺性冇咁高，所以佢扮女裝來偷嘢」。
有網民詳細分析指，疑似偷袋賊「寒背，件衫拎得唔太自然，私私縮縮咁，加上樣子似男人，真係男扮女裝機會高」
亦有人言之鑿鑿稱「面部骨骼、眉骨，直頭係個男人啦」，但有網民則認為「看不到喉核，不能確定」、「睇頭髮應該女人」。
Credit:jwon_g8＠Threads