近期不止飛機有小偷出沒，連巴士亦有！近日有港女在社交平台發文，分享一宗乘搭跨境巴士時險被偷行李的驚險經歷，呼籲大家乘車時務必提高警覺及妥善看管物品。
港女港珠澳返港遇「金巴老鼠」扮搵篋
事主在社交平台發文，寫道「晚上係珠海金巴返香港口岸。落車時依隻扒手偷我喼，被發現得唔到手就走去車既另一邊扮搵喼。其實佢本身係無帶到喼，好在及早發現，無比佢偷到。大家過關要小心」。
她表示，當晚由珠海乘坐金巴返港，抵達目的地準備取回行李時，發現一名中年女子在巴士下方行李區徘徊，竟試圖拿走她的行李箱。她立即上前阻止，對方才聲稱「拿錯了」，並轉往車另一邊繼續尋找。
女子「兩手空空」沒有行李
起初事主以為只是誤認行李，未有深究。不過在過關時，她留意到該女子「兩手空空」，根本沒有攜帶任何行李，才驚覺對方可能是有心行竊的「金巴老鼠」。她質疑：「如果一個人從來都冇帶過篋，但喺車度咁搵，仲要一開始就打算拎走人哋個篋，只係比人發現咗，代表咩？」。
事主遂決定將事件公開，希望提醒其他乘客提高警覺：「其實大家落車嗰下係唔太會理其他人，個個過關都比較匆忙，我post上嚟叫大家小心，多留心都係一件好事。」
網民：連金巴都有巴士老鼠
事件引起網民討論，有網民指對於跨境交通繁忙，呼籲大家小心避免成為不法之徒的目標，「嗰次我過掃描行李機放完手袋，後面阿伯大大聲:行啦！我話:我袋都未入去，你急乜？你喺後面偷我袋咁點？（大聲到海關望住佢）佢唔敢再催！都唔知有乜企圖！」、「真係多得你貼相出嚟提醒大家！」、「專吼人落車亂糟糟就撳實你個喼，好彩事主你夠眼厲咋！大家過關落車千祈要攬實行李喇！」、「連金巴都有巴士老鼠」、「多謝放上網！搭機場巴士，一定睇住自己行李，好多人都走上樓上坐，根本俾人偷咗行李都未知」、「呢啲通常早落車，多啲時間搵獵物」、「之前有個美國人喺外國比少女偷咗個手袋，但係佢唔忿氣，結果用咗AirPod追蹤咗部手機搵得返。」、「而家真係越來越多賊，仲要冇樣睇先至恐怖」、「依個時候要大叫，提醒埋其他人，要小心扒手」、「感謝分享，仲有張咁清晰嘅大頭」、「下次等佢攞完，拍片同跟住佢尾，之後再搵警察。」、「旅行時 乜都要跟身，同雨傘一樣！」。