本地社交平台近日熱傳一則「離奇爆呔」貼文，一名貨Van司機分享，自己的車胎並非被釘或鐵枝刺穿，而是被一隻高踭鞋的鞋跟直插胎面，畫面既荒誕又好笑，惹來大量網民圍觀及留言搞笑「解讀」。
貨Van司機「奇遇記」遭高踭鞋插穿車呔
從帖文附上的兩張相片可見，一隻已磨損的米色高踭鞋橫躺在車胎上，鞋跟位置明顯鑲進胎紋，胎面有穿刺痕跡；至於第二張，則見貨Van停在路邊，千斤頂撐起車身，司機在更換備胎，而原來被刺穿的輪胎靠在車尾旁。
帖主自己亦於在帖文笑言，「到底人嘅一生比一隻高踭鞋插穿車呔嘅或然率係幾多呢？應唔應該去買六合彩？」以「六合彩運氣」自嘲今次經歷之罕見。
網民笑稱：去搵灰姑娘
帖文引起網民熱烈討論，不少人以童話梗諧趣回應，「快啲去搵灰姑娘，鞋底有你車胎印！」、「高踭鞋都能爆呔，呢位鞋主應該係真‧灰姑娘戰鬥版。」、「機率題：一隻鞋+一個胎=買六合彩都未必咁啱。」、「以後見到路邊單鞋唔好𢳂，原來係反坦克障礙物」。
同時，也提醒各位駕駛者：留意路面雜物、保養胎壓與胎紋，減少「奇遇」變「事故」的機會。