一段車Cam短片在社交平台瘋傳：一輛掛「中港牌」的七人車，疑在停車場出入口逆線駛入，其後再倒後時撞向欄杆，令現場司機與保安目定口呆。片主無奈形容，「有中港牌嘅七人車日日都有笑料，佢倒出去時，仲要撞到個欄杆。」
中港牌七人車逆線駛停車場仲撞欄
影片所見，現場為一個停車場出入口，當時片主正從停車場離開，突然一輛黑色七人車沿逆向車道駛入出入口口位，對面車道車輛一度「騰雞」煞停。
其後七人車企圖倒回正確車道，但倒車角度失準，右後方直接頂中欄杆，而該司機再次前後「挪車」，最後離開停車場附近揚長而去。不過，過程已被車Cam全部拍下並上載網絡。
網民一面倒狠批
影片被上載網上後引起留言，留言一面倒狠批駕駛基本功與應變，有人質疑是否未有即時停低處理與賠償，亦有人指出操作連串失誤，「有無賠錢？撞車不顧而去，1823中港車唔好放過」、「甘大個位都可以撞到欄，佢撞之前仲要係比大油向前大break入錯左波，真係廢得好緊要」、「依家d人係睇住個mon後....冇人睇鏡架啦」。