粵車南下又出事？社交平台近日流傳照片，顯示一輛掛「粵車南下」FT 開頭車牌的私家車，於土瓜灣道一帶被拍到無視交通燈號、亂闖黃格，甚至在反方向車流前作出危險轉向，行徑被網民斥為「大地任我行」。事件曝光後引起大量討論，不少網民直指類似情況愈見頻繁，擔心「遲早有人命」。
內地司機土瓜灣「大地任我行」亂闖黃格
帖主在社交平台上載照片並批評：「FT牌真係 onXX，大地由我行 feel，燈都唔需要識睇。」照片中，可見涉事汽車在交通繁忙的路口未按行車線方向行駛，更疑似在黃格位置直接右轉，與當時正常行車方向不符，引起在場駕駛者側目。
網民憂爆大禍：遲早有人命
不少網民表示，粵車南下後，本港路面愈來愈常見跨境車疑似不熟路或不遵守本地規例的情況，吸引多人討論：「講真，喺大陸已經見慣不怪」、「呢啲正常高德地圖喺香港用我都知道唔會咁樣叫佢違規又轉或者U 㗎啦，擺明係明知違規啊」、「乜右轉唔係唔使睇燈架咩？」、「佢見到綠燈 以為同大陸一樣可以右轉」、「除咗揸車連行人都真係十二萬分小心」、「佢哋根本就係玩孖寶賽車嘅心態，仲玩得好開心添！」、「個牌換返嚟，從來冇睇過例書」、「問題的主因是他們沒有再學習其他的交通規則」、「遲早有人命...」、「抄完牌罰$2000就識架啦」。