兩名長髮女子早前在尖沙咀一個商場的超市購物後，推著超市手推車，載著一大車貨品，到停車場準備上車離開。兩人在整理貨品時，卻疑似佔用他人私家車車頭當桌子使用。車主查看車Cam片時發現事件，隨後把片段及相片上載至社交平台。
樓主：唔好當人哋車頭係張枱
樓主在社交平台Threads上載短片及圖片發帖，留言指「知你哋兩個買完餸好開心，但唔好當人哋嘅車頭係張枱擺啲重嘢上嚟先得㗎」。
影片和圖片顯示，兩名長髮女子表現輕鬆，面帶笑容地在私家車車頭上整理物品。
樓主補充截圖再爆女子遺下購物車行為
有網民見狀詢問「佢哋有冇還返架推車俾超市」，樓主於是再上載兩張截圖，顯示其中一名長髮女子疑在整理完物品後，把超市手推車推向牆邊，並將其遺下。從車Cam片截圖的資料顯示，事發於2月11日晚上近7時。一名網民指，「見住架手推車好孤單，同埋，好似都係一個停車位嚟嘅」。
網民紛紛譴責：真係好無品
對於這兩名長髮女子的行為，網民紛紛譴責，直斥「真係好無品」、「好丟臉…」、「真係好自私」、「自私嘅極品」。
亦有人指「唔放自己車頭，放人地車頭，X街到咁都有」、「又真係好過火嘅，要分就喺自己車頭分啦」、「自己有車唔用？用人哋架車？？打開車尾箱慢慢執都得啦！」、「熟練到呢，一定唔係第一次」、「推到佢地朋友家人睇到佢地嘅醜態」。
也有人感同身受地表示「如果架車係我嘅，一定會心痛死，平時正常揸，有沙石刮花都算，呢啲係唔正常被刮花」，並質疑「佢哋自己都有車頭，點解要用人哋車頭？除咗自私，我諗唔到第二個解釋」。
Credit：garypo__@Threads